VOV4.Sêdang - Tiô tối tơbleăng dêi kơbong hbrâ mơdât pơreăng HIV/AIDS, kong pơlê Gia Lai nôkố ai lối 300 ngế dế pơlât ARV, tung mê ai 248 ngế ai theh [aoh hiêm khăm pơlât.

Vâ rak tơniăn ăm tâi tâng ngế ki tâ pơreăng HIV/AIDS tung kong pơlê dế châ pơlât ARV ai theh baoh hiêm khăm pơlât, hơnăm 2019 kơvâ ngăn pơkeăng [ă khăm pơlât kô pơtối roê theh baoh hiêm khăm pơlât ăm mâu ngế ki tâ pơreăng HIV/AIDS tung kong pơlê.

Tơdroăng ki pơlât ARV re\ng châ po rôh ki kân ôh ti xê to [ă ngế ki tâ HIV mê ối [ă tâi pơlê pơla. Pơlât ARV kô pro ai pơxúa ivá mo sêi, kơdroh tơdroăng ki hlâ, mơdêk hơnăm rêh ton ăm ngế ki tâ pơreăng HIV. Kố cho rôh ăm mâu ngế ki tâ pơreăng HIV/AIDS kơdroh iâ ki xơpá ‘na liăn ngân drêng ôh tá ai kơxo# liăn to\ng kum.

Katarina Nga tơplôu [ă tơbleăng