VOV4.Sêdang - Hâi lơ 30/8, kơvâ ngăn pơkeăng ƀă khăm pơlât kong pơlê Gia Lai po lăm xo ngăn mơheăm ƀă pâk vaccine trum má 2 hbrâ mơdât COVID-19 ăm khu ki vế rơxế a pơlê kong kơdrâm Plei Ku. Tơdroăng xo khăm ngăn ƀă pâk vaccine hbrâ mơdât COVID-19 po tung pơla pơlê kong kơdrâm Plei Ku, kong pơlê Gia Lai dế pơkâ klâ kơtăn pơlê pơla tiô pơkâ 16 dêi ngế pro xiâm hnê ngăn Chin phuh.

Xua ti mê,  tŭm tơdroăng pơkâ ’na hbrâ mơdât pơreăng a rôh khăm ngăn ƀă pâk vaccine châ tơbleăng kơtăng. Mâu ngế vê rơxế xuân rak vế pêi pro kơtăng tơdroăng tối tơbleăng tơná, khăm ngăn châ chăn, xếo kŏng ƀă têa pơkeăng ƀă ối klâ kơtăn tro tiô thê mơhno dêi khu râ pơkuâ cheăng. Klêi khăm ngăn ƀă rak tơniăn ăm tâi tâng pơlê pơla, mâu ki vê rơxế kô châ pâk péa trum vaccine hbrâ mơdât pơreăng COVID-19.

Tiô tối hdrối sap hâi lơ 30 khế 8 troh tâi lơ 31/8, Tíu xiâm séa ngăn mơdât pơreăng Gia Lai tơrŭm ƀă Tíu xiâm ngăn pơkeăng pơlê kong kơdrâm Plei Ku khăm ngăn ƀă pâk vaccin hbrâ mơdât pơreăng COVID-19 trum má 2 ăm lối 700 ngế ki vế rơxế dế pêi cheăng a pơlê kong kơdrâm Plei Ku.

Gương tơplôu ƀă tơbleăng