VOV4.Sêdang - Kơxo lơ 26/3, kong pơlê Gia Lai tơkŭm po leh mơhnhôk pêt loăng “Xua môi Việt Nam ngiât lĕm a kơpong ôm hyô Biển Hồ (cheăm Biển Hồ, Plei Ku). A rôh leh, kăn pơkuâ hnê ngăn Đảng kong pơlê, Vi ƀan kong pơlê Gia Lai, teăng mâ mâu tíu pêi cheăng, kơvâ cheăng tơring cheăm ƀă tíu pêi cheăng tŏng kum mơhá pri hiăng rơtế pêt 200 xiâm loăng hngó rơtâ tá Kơpong ôm hyô Biển Hồ (lơ ki hmâ tối cho Long Tơ Nưng) a cheăm Biển Hồ, pơlê kong kơdrâm Plei Ku.

Kuăn pơlê Gia Lai pêi pro tơdroăng leh pêt loăng hơnăm 2021

Akố, Kăn xiâm hnê ngăn Vi ƀan kong pơlê Gia Lai ăm ‘nâi, kong pơlê pêi pro troh tơdroăng pơkâ mơjâng kong pơlê chiâng “Kong ngo ngiât lĕm xúa ăm ivá mo lĕm”, pêt loăng, pêt kong ôh tá xê to tơdroăng ‘na hyôh kong prâi, mê ối tơdjâk troh mơnhông cheăng kâ, rêh ối, mơhno túa lĕm tro ƀă ôm hyô. Tung 5 hơnăm hdrối, kong pơlê hiăng pêt 20 rơpâu ha kong cho loăng tơ-prâ tơ-prŭng. Tơdroăng pơkâ Hneăng hôp mâu kăn Đảng bộ kong pơlê roh má 16, hneăng hơnăm 2021-2025 xuân pơkâ pêt nếo 40 rơpâu ha kong, mơdêk ki xâp dêi kong tung kong pơlê tâk 47,75% tung 5 hơnăm la ngiâ.

Gương tơplôu ƀă tơbleăng