VOV4.Sêdang - Kơxo lơ 3/8, kong pơlê Gia Lai pơtối ‘nâi ai 39 ngế tâ COVID-19. Tiah mê, tâi tâng mâu ngế ki tâ pơreăng COVID-19 a kong pơlê kố cho 111 ngế. Ƀă hnoăng cheăng klâ krê mâu ngế ki vêh sap ing kơpong ki ai pơreăng, Khu hnê mơhno hbrâ mơdât pơreăng COVID-19 tơbleăng, a kong pơlê nôkố ai lối 4.200 ngế dế pêi pro klâ ối krê.

Gia Lai: Pơtối châ ‘nâi 39 ngế tâ COVID-19

Hlo tơdroăng ki rế tâk hên ‘na mâu ngế ki tâ pơreăng, ki hên cho mâu ngế ki vêh sap ing kơpong ki ai pơreăng, kong pơlê Gia Lai pơkâ túa hbrâ xôh pơkeăng ăm tâi tâng kơpong tâ tá tíu gâk séa ngăn pơreăng a troăng kơxô̆ 14 (kông 110, cheăm Ia Le, tơring Čư̆ Pưh), xo mơheăm séa ngăn ƀă tâi tâng mâu kuăn pơlê, mâu khu lêng ki pêi dêi hnoăng cheăng a kơpong kố; pâk vaccine hbrâ mơdât pơreăng ăm kuăn pơlê tâ tá tíu gak hbrâ mơdât pơreăng.

Katarina Nga tơplôu ƀă tơbleăng