VOV4.Sêdang - Klêi kơ’nâi 24 hâi hdrối, mâu tíu pêi cheăng, khu lêng dêi Kŏng an kong pơlê Gia Lai hiăng pro klêi hồ sơ hbru theh căn cước kuăn pơlê ki krâ chip điê̆n tưh ăm lối 120 rơpâu ngế kuăn pơlê. Rơtế amê, khu kŏng an hiăng mơ-eăm hên tung tơdroăng tối tơbleăng, mơdêk ki rơkê plĕng kum kuăn pơlê.

Mâu kŏng an, mâu tíu cheăng dêi Kŏng an kong pơlê Gia Lai dế tơbleăng pro căn cước kuăn pơlê krâ chip điê̆n tưh ăm kuăn pơlê

Troh tâi hâi lơ 24/3, ƀă tơdroăng ki xúa 29 toăng kơmăi xua Khu xiâm ngăn Kŏng an hbru ăm, 18 to tíu pêi xiâm dêi Kŏng an kong pơlê Gia Lai hiăng pro klêi hồ sơ pro căn cước kuăn pơlê krâ chip điê̆n tưh ăm lối 120 rơpâu ngế kuăn pơlê. Hâi ki hên má môi, mâu tíu pêi cheăng pro châ 338 to theh căn cước kuăn pơlê tung môi hâi, tơkâ luâ tơdroăng pơkâ 38 to theh căn cước kuăn pơlê tung môi toăng kơmăi tung môi hâi.

Tung mê, kŏng an mâu tơring Čư̆ Pah, Čư̆ Sê, Kƀang, Krông Pa, Phú Thiện, Ia Pa, ‘Mang Yang ƀă hên tơring ki ê cho mâu tíu cheăng pro châ hên theh má môi.

Nga tơplôu ƀă tơbleăng