Plông ‘măn rak tơmeăm [ă mâu rơxế lo pro xôi luât Rak ngăn kong tơring Kbang, kong pơlê Gia Lai hâ ho hlo tu\m tâi tâng mâu túa rơxế ôtô, ing rơxế kân troh rơxế ki chơ tơmối, thăm nếo ai tá rơxế tatxi. Mâu rơxế mê vâi hrie#n ti tăng pro túa  tơ-ê nếo vâ chơ loăng ki ôh tá tro luât, drêng châ rup, mâu ngế ki vế rơxê kơtâu hdâ. Drêng rup kơ êng ngăn, tâi tâng mâu ki mê xuân ôh tá khên tối [ă vâi xuân ôh tá kâi tối inâi ngế xiâm dêi rơxế vâ pơxâu. Tơdroăng ki tô tuăn a kố mâu rơxế mê drêng chơ loăng kơtâu têi ôh tá vâ hmâng ki klâi pro tơ’lêi trâm xía vâ [ă thăm nếo, drêng trâm mâu khu gâk drô troăng, ngế ki vế rơxế ôh tá xâu ôh tá vâ tot klâm hlối a mâu ki dế pêi hnoăng cheăng mơdât troăng.

Tíu ki rup râng mâu rơxế, kế tơmeăm a khu pơkuâ ngăn loăng pơlái

Pôa Nguyễn Văn Sơn, Ngế pơkuâ rak ngăn kong tơring Kbang tối tiah kố, rơxế ki hiăng tâi khế hơnăm pơkâ chiâng xúa ôh tá xê to pro rơ iô ăm kuăn pơlê mê ối rơ iô tá mâu ngế rak ngăn kong:

Mâu rơxế ki mê, drêng gá kơtâu trâm hên tơdroăng pá ăm mâu ngế pêi hnoăng cheăng kring gak vâ mơdât. Mâu rơxế ki mê gá kơtâu têi, tâng hiăng kơtâu a troăng kân, troăng tôh kơxu gá kơtâu têi, tung pơla ai tơdroăng tiah mê gá xúa dêi rơxế gá mơdât nếo. Kố cho tơdroăng ki pá tung hnoăng cheăng rak ngăn kong.

Xuân dế pro tô tuăn hên ăm kuăn pơlê a Gia Lai cho mâu rơxế ki lăm lăm tơdah chơ chiên hok tro. Ki hên mâu rơxế mê hiăng ton hơnăm, hiăng tâi khế hơnăm ăm phêp xúa to, hơ’lêh ing rơxế chơ tơmối ki kơtâo hơngế nah chiâng rơxế tơdah chơ chiân hok tro nếo. Hên rơxế ôh tá krá tơniăn mâu tơdroăng pơkâ la xuân ối hlo kơtâu a drô troăng, pro rơ iô tơ’lêi trâm xía vâ.

Khế 3/2017, môi toăng rơxế chơ chiên hok tro a tơring Mang Yang hiăng trâm xía vâ pro 18 ngế hok tro ki to tung mê hlâ [ă tro rong, tung mê ai 3 ngế hlâ, mê cho ngế vế rơxế [ă 2 ngế hok tro. Nâ Nguyễn Thị Nga, ối a cheăm Hra, tơring Mang Yang, ăm ‘nâi, mâu rơxế ki chơ chiân hok tro ngăn kơblêh mâ iâ tê xuân hiăng ‘nâi ôh tá tơniăn, mơhế vâ tô tuăn klêi rôh ai tơdroăng xía vâ  a rơxế ki chơ hok tro, xua pá puât ối a kơpong hngế hngo, xuân thế ăm dêi kuăn  to vâ lăm hriâm:

Mâu kuăn kuăn ‘ne\ng ối hơngế, a mâu thôn pơlê, ôh tá ai rơxế chơ vâi  to lăm hriâm mê thế to rơxế buýt tê. Hlo rơxế ki mê gá ôh tá tơniăn, ngăn ‘nâi hlối  ôh tá tơniăn, la nôkố xua pá ‘nâng kuăn ‘ne\ng vâ lăm hriâm a hơhngế thế ăm to tê. Púi vâ, pro ti lâi vâ ai rơxế ki tơniăn tâ, vâ ăm dêi kuăn tơná to lăm hriâm cho tơdroăng ki hâk ro ‘nâng.

Rơxê ô tô hiăng luâ khế hơnăm chiâng phêp ăm xúa, rơxế ôh tá tơniăn xếo chiâng tô tuăn, la drêng pin xuân ối châ pro tơtro vâ ăm rơxế kơtâu mê thế ăm hlá mơ-éa mơnhên rơxế ki mê ối chiâng kơtâu.

Apoăng khế 10 kố, Khu gak ngăn troăng prôk Gia Lai tơru\m [ă Khu Séa ngăn tơmeăm Việt Nam hiăng séa ngăn [ă pơxâu tơdroăng ki xôi dêi 3 ngế cheăng chêh pro hlá mơ-éa rơtế [ă 2 ngế cheăng tung Tíu cheăng séa ngăn mâu rơxế tung kong pơlê xua ai xôi tung tơdroăng mơnhên ngăn ối ăm rơxế ki hiăng tâi hnăm xúa chơ hok tro pro ôh tá tơniăn tiô pơkâ. Pôa Lê Văn Hạnh, Kăn pho\ pơkuâ Khu xiâm ngăn troăng prôk  rơxế kơtâu  kong pơlê Gia Lai ăm ‘nâi, ti lâi dế po rôh séa ngăn hên rơxế ô tô ki hiăng tâi khế hơnăm chiâng xúa to, tung mê, malối tơmâng khât séa ngăn hên tâ mâu túa rơxế ki chơ hok tro:

Khu gak ngăn troăng prôk hiăng pơkâ mơjiâng khu séa ngăn mê ai tá Khu gak ngăn troăng prôk, {ơrô kăn sat gak troăng prôk Ko\ng an kong pơlê, Khu ngăn hnê hriâm [ă hnê mơjiâng mơngế rơkê vâ lăm troh séa ngăn a mâu hngêi trung, môi tíu vê hlôi tơdroăng mê, pro tơniăn ăm mâu hok tro. {ă mâu hngêi trung rơxế ki nhôm ôh tá tơniăn hiăng ai 67 toăng rơxế pơtê  tot ăm séa ngăn nhên [ă hiăng châ hlo 7 toăng rơxế pro xôi luât’’.

Klêi séa ngăn [ă rak ngăn rơxế, mâu khu cheăng rak ngăn kong pơlê Gia Lai tối, troh tâi hơnăm 2017 lâp tung tơring ai vâ chê 650 toăng rơxế ki hiăng tâi khế hơnăm ăm xúa; ta troh tâi hơnăm 2018 kố ai tơ’nôm dâng 550 toăng rơxế ki ê nếo xuân hiăng tâi khế hơnăm chiâng xúa.

Rơxế chơ hok tro tro kơdup a troăng tơring 'mang Yang

Thưo\ng tăng Lê Văn Cường, Đo#i trương đo#i chêh inâi rak ngăn mâu rơxế, [ơrô kăn sat gak ngăn troăng prôk Ko\ng an kong pơlê Gia Lai ăm ‘nâi, inâi mâu rơxế mê hiăng châ chêh tung hlá mơ-éa vâ pơtroh tối tơbleăng ăm ngế ki ai rơxế ‘nâi vâ xo tơvêh hla mơ-éa ro rôe rơxế, kơxo# rơxế. Laga, tơdroăng xo tơvêh mê dế trâm hên tơdroăng pá: 

Xua tơnêi tíu dêi kong pơlê [ă khế hơnăm pro hlá mơ-éa rôe rơxế hiăng ton, mê mâu ngế ki xiâm rôe rơxế hiăng tê rơxế ki mê la ôh tá tối ăm kơ koan ko\ng an. Má péa nếo, ‘na tíu ối, ai mâu ngế ki rôe rơxế mê nah nôkố hiăng lăm ối tíu ê, ôh tá ối a tíu ki ton. Xua mê, chiâng trâm hên tơdroăng pá tung tơdroăng tối tơbleăng vâ xo tơvêh hlá mơ-éa rơxế [ă biển xô#. Tơdroăng kố ngi kô mơ-eăm tơru\m [ă Ko\ng an mâu tơring, cheăm bêng vâ lăm troh a tung kuăn pơlê, vâ séa ngăn, xo tơvêh. Tâng kuăn pơlê xuân kơnh^ng ối vâ to rơxế ki hiăng tâi khế hơnăm pơkâ chiâng to, mâu kơ koan pơkuâ cheăng kô pơxâu phâk tro tiô luât.

Ai hên rơxế ki hiăng tâi khế hơnăm pơkâ chiâng to, la tơdroăng xo tơvêh hlá mơ-éa, kơxo# xế hâi pro kơtăng, pro mâu rơxế ki hiăng tâi hơnăm ăm to mê ối châ kơtâu a drô troăng kân tung kong pơlê Gia Lai, malối a kơpong hngế hngo. {ă a hên tíu, mâu rơxế ki mê môi tiah xeăng ki ‘mêi, tơ’lêi pro hên tơdroăng ki xía vâ.

Công Bắc chêh

Gương tơplôu [ă tơbleăng