VOV4. Sêdang - Tung pơla kố nah, mâu tơring drô tíu tơkăng kong dêi kong pơlê Gia Lai hiăng thăm pơtâng tối vâ kuăn pơlê plĕng ƀă mơnhông hnoăng dêi tơná tung tơdroăng veăng tâ phĭu rah xo kăn teăng mâ Kuô̆k hô̆i hneăng má XV ƀă kăn teăng mâ Hô̆i đong kuăn pơlê mâu râ hneăng hơnăm 2021 – 2026. A tơring Čư̆ Prông,  tơdroăng pơtâng tối tâ phĭu rah xo kăn châ pêi pro ƀă 2 nâl: Xuăn ƀă Jarai ing loa rơ’jíu cheăm. Ƀă mâu kơpong kuăn pơlê rêh ối tơprâ tơprŭng, prôk lăm lâp lu vâ pơtâng troh rêm rơpŏng.

A tơring Đức Cơ, tơdroăng pơtâng tối châ pêi pro tiô troăng, cheăm hiăng mơjiâng khu pơtâng tối. Rêm măng tĭng, mâu khu pơtâng tối ai hnoăng cheăng rah chêh tơdroăng ki tơdjâk tơdroăng tâ phĭu rah xo kăn vâ mơ’no tung loa rơ’jíu cheăm, kum kuăn pơlê plĕng nhên pơkâ dêi mơngế tơbriât to po kăn xuân môi tiah hâi khế tơkŭm po tơdroăng tâ phĭu.

A Sa Ly tơplôu ƀă tơbleăng