VOV4.Sêdang - Kơxo lơ 19/5, Khu pơkuâ hnê ngăn Đảng kong pơlê Gia Lai tơkŭm tơbleăng Pơkâ dêi Kăn hnê ngăn tro khât dêi pôa Rah Lan Chung- Ngế ki pơkuâ khu tơkŭm cheăng Đảng kong pơlê pro kăn phŏ pơkuâ hnê ngăn Đảng kong pơlê Gia Lai (hneăng 2021-2025). A rôh leh tơbleăng pơkâ, pôa Hồ Văn Niên, Kăn pơkuâ hnê ngăn Đảng kong pơlê Gia Lai hiăng khê̆n kơdeăn, pôa Rah Lan Chung châ hriâm tŭm troh lâm kân, ing râ pá xôp, rơkê plĕng tung pêi cheăng, ‘nâi mơ-eăm tung pêi cheăng, ai tuăn ‘nâi pơ’lêh nếo, đi đo pê klêi hnoăng cheăng pơcháu.

Pôa Rah Lan Chung (‘na hơ-ếo) xo hlá mơ-eá pơkâ dêi Kăn pơkuâ hnê ngăn Đảng

Pôa Rah Lan Chung mơnê tơdroăng ki rah xo dêi Khu xiâm pơkuâ tơdroăng kal kí, khu kăn hnê ngăn Đảng, Khu kăn Đảng ƀộ kong pơlê  hiăng loi tơngah pơcháu hnoăng cheăng ƀă tơhrâ kô ôh tá la lâi pơtê hriâm, rơnêu pât, rak hiâm mơno ki lê̆m tơdroăng ki tro ‘na kal kí, tuăn mơno lĕm; mơ-eăm ‘no dêi ivá rơtế ƀă mâu vâi pú tung Khu Đảng ƀộ kong pơlê pê klêi tơdroăng cheăng ki kong pơlê pơcháu.

Gương tơplôu ƀă tơbleăng