VOV4.Sêdang - Vi ƀan kong pơlê Gia lai tơkŭm po hneăng hôp hnê tối ‘na hnoăng cheăng dêi ngế pơkuâ mâu kơ koan, tíu pêi cheăng pêi tơdroăng pơkâ pêi cheăng dêi Vi ƀan kong pơlê. Tung 5 hơnăm  hdrối, mâu kơ koan, tíu pêi cheăng dêi kong pơlê hiăng tơbleăng pêi luât pơkâ pêi cheăng dêi Vi ƀan kong pơlê hneăng hơnăm 2016-2021 ƀă troăng hơlâ pơkâ pêi “Rak tro tiô luât pơkâ pêi cheăng, mơdêk hnoăng cheăng pêi ăm ngế ki pơkuâ a kong, mơdêk ki tơ-ƀrê tung tơdroăng tí tăng ‘nâi plĕng mâu tơdroăng kal, tơrŭm dêi rêm râ, kơvâ cheăng”.

Mơgêi hneăng hôp, pôa Võ Ngọc Thành, Kăn xiâm hnê ngăn Vi ƀan kong pơlê Gia Lai thế rêm ngế ki pơkuâ xiâm mâu kơ koan, tíu pêi cheăng thế mơdêk hnoăng cheăng tung tơdroăng pêi pro thế pro tro tiô pơkâ hnê mơhno kơxô̆ 01 dêi Kăn xiâm hnê ngăn Vi ƀan kong pơlê ƀă luât pơkâ pêi cheăng dêi Vi ƀan hnê ngăn kong pơlê, seá ngăn nếo tơdroăng pơkâ pêi cheăng tơrêm kơvâ cheăng.

Tơrêm kơ koan, tíu pêi cheăng thế ai xing xoăng hnoăng cheăng pêi, la ngế ki pơkuâ cheăng thế ‘nâi tŭm mâu tơdroăng cheăng pêi mê, tơdroăng cheăng ki nếo, tíu ki pơcháu pơkuâ pêi.

Gương tơplôu ƀă tơbleăng