Lối chât hâi ki kố, riân sap ing châ tâng tơdroăng ki rơpo\ng pôa Nguyễn Tất Bình (kot mâ hơnăm 1965) hiăng kơdrâ kơtâu hdâ ing pơlê, on veăng ngoh Ksor Yo, kot mâ hơnăm 1980 ối a pơlê Yun Ye, cheăm Ia {ă, tơring Ia Grai hiăng xâu préa môi tiah ối a kơpêng plá on. Ngoh Yo ăm ‘nâi, rơnó mêi hơnăm nah, tung pơla kal ai liăn vâ ‘mâi rơnêu kuâ hngêi xua tro xi kơchoh drêng kong mêi, ngoh Yo hiăng kơnôm pôa Nguyễn Tất Bình kum pro ăm hlá mơ-éa vâ mung liăn a hngêi rak liăn.

Hên kuăn pơlê a tơring Ia Grai hiăng kok tơmeăm mung liăn hngêi arak liăn, klêi mê ăm pôa Nguyễn Tất Bình mung tơpui tơno [a\ ngế chêh hlá tơbeăng VOV

Pôa Bình tối tiah kố, ph^u rak xúa tơnêi tâng chêh tối inâi mơngế Xuăn ga kô tơ’lêi châ mung liăn tâ, xua mê, khoh hiăng mơhnhôk tâi tâng nho\ng o dêi ngoh Yo lăm troh a [ơrô ki ko\ng chư\ng, mơnhên tơdroăng ki hơ’lêh 5 sao tơnêi ối vâ hơ’lêh chiâng inâi dêi kuăn tơná cho Nguyễn Thị Ngọc Thảo, kot mâ hơnăm 1997. Klêi kơ’nâi mê, kuăn pâ pôa Bình hiăng troh a hngêi rak liăn dêi pơlê kong kơdrâm Plei Ku vâ kok tơnêi ki mê vâ châ mung liăn. Pôa Bình hiăng xo 50 rơtuh liăn ăm ngoh Yo, hnối ai tơhrâ tiah kố, la lâi mơdrếo tu\m kơxo# liăn ki kố, pôa Bình kô mơdrếo ăm tơnêi ngoh Yo.

Apoăng hơnăm kố, pôa Bình pơtối kơnôm ngoh Yo kok 9 sao tơnêi kơphế, mung tơ’nôm 150 rơtuh liăn ing hngêi rak liăn, klêi mê, ăm pôa mung tâi tâng. Bu troh drêng ngế pêi cheăng tung hngêi rak liăn lăm troh a hngêi vâ tơ liăn tơkâ, la xua tá châ tơpui phôn [ă pôa Bình, mê on veăng ngoh Yo nếo ‘nâi pôa Bình hiăng kơtâu hdâ ing pơlê. Xua ngoh Yo tô tuăn dêi tơná kô hía tơnêi, hía hngêi:

‘’Á tơpui [ă pôa Bình, hngêi a xi kơchoh tâi kế tơmeăm. Ga êng á, tơnêi á hôm ai ph^u rak xúa tơnêi, ăm ga vâ pro hlá mơ-éa mung liăn. Inâi tung ph^u rơpo\ng hngêi chêh tối ôh tá tro, pôa Bình hiăng ‘mâi rơnêu ăm i tơtro. Klêi mê, ga krếo thế mâu ngế ki ai inâi tung ph^u rơpo\ng hngêi mê, lăm troh a [ơrô ko\ng chư\ng vâ môi tuăn chêh hơ’lêh ph^u rak xúa tơnêi mê cho inâi kuăn kơdrâi ga’’.

Pôa Nguyễn Tất Bình, kot mâ hơnăm 1965, ai tíu ối a bêng Trà Bá, pơlê kong kơdrâm Plei Ku, la hiăng rơtế [ă dêi on veăng lăm rêh ối a pơlê Yun Ye  hiăng hên hơnăm kố. Vâ môi tuăn [ă pôa Rơ]ăm Pip, kot mâ hơnăm 1962, cho ngế ki châ kuăn pơlê loi tơngah, ga pro dêi ngoh roăng, xua mê, pôa Bình khoh châ kuăn pơlê tung kố loi tơngah. La drêng kố, tá pôa Pip xuân dế tô tuăn, xâu  préa, xua hiăng kok châ 2 ha tơnêi [ă tơnêi kơphế, chiâk deăng mung 200 rơtuh ăm pôa Bình mung. Tâng ôh tá châ mơdrếo roh kố, mê chât ngế tung rơpo\ng hngêi kô ôh tá ai tơnêi pêi kâ, thăm nếo, kô hía tá hngêi ối.

Pôa Nguyễn Tất Bình, pakong peăng – hơ-ía

Xuân kơnôm pôa Rơ]ăm Pip tí tăng êng, mê drêng ’nâi rơpo\ng pôa Rơ]ăm Bek a pơlê Bồ 2, cheăm Ia Yok, tơring Ia Grai kal vâ liăn vâ ‘no liăn ăm rơnó kơphế ki nếo, pôa Nguyễn Tất Bình hiăng kum pro hlá mơ-éa mung 100 rơtuh, klêi mê, ga mung xo xêh tơdế nếo. Kơxo# liăn ki mung mê athế mơdrếo tung luâ 1 hơnăm, nếo ‘mâi rơnêu dêi tơdroăng ki che\n kơtăn kố ai 1 khế, mê kơdrâ u pá hlo pôa Bình ối ulâi xếo. Xuân môi tiah môi túa cheăng, vâ khoh châ mung liăn ing hngêi rak liăn, pôa Bình hiăng hle\ng khât ing tơdroăng hnê djâ pôa Pip prế pôa Bek, klêi mê, châ pơloăng ngế ki cheăng tung hngêi rak liăn, ‘na tơdroăng ki châ xúa kơxo# liăn mê. Pôa Pip tối:

‘’Bình tối pơchân, tâng ai mơngế cheăng tung hngêi rak liăn troh athế tối dêi tơná mung liăn vâ rôe phon rơvât ăm kơphế, mơnhông pêi cheăng kâ. Á hiăng tối môi tiah tơdroăng pôa Bình hiăng hnê. Ngế ki cheăng tung hngêi rak liăn mê êng á, hôm kâi mơdrếo há, á tiâ kâi vâ mơdrếo, tâng ôh á kô kok [ă ph^u rak xua tơnêi. Mung liăn ing hngêi rak liăn ai 200 rơtuh, pôa Bình hiăng xo xêh tâi môi ngế’’.

Dế nôkố, a pơlê Yun Ye, cheăm Ia {ă [ă pơlê Bồ 2, cheăm Ia Yok ai 4 rơpo\ng ki hiăng kok dêi châ chât ha tơnêi chiâk deăng, tơnêi ối ăm pôa Bình mung vâ chê 1 rơtal liăn. Pak^ng tơdroăng ăm mung liăn, on veăng pôa Bình ối mung châ troh a ta#n kơphế, báu dêi kuăn pơlê a mâu cheăm Ia {ă. Ki hên, mâu rơpo\ng ki mê pơrá ăm pôa Bình mung liăn la ôh tá chêh bro hlá mơ-éa klâi drêng ăm mung, lơtơkêa vâ mơdrếo che\n.

Pơchông ngăn [ă mâu roh ki lu lêa vâi krâ nho\ng o hdroâng kuăn ngo ki tê ăm tơnêi a Gia Lai mâu hơnăm achê pơla kố, ki hlo pơloăng kân xua pôa Bình pro mê, pá vâ châ rup tơleăng. {ă mâu roh môi tiah hdrối mê hía nah, drêng châ hlo tơdroăng ki hơ’lêh, tê tơnêi, khu kăn pơkuâ cheăm, tơring [ă kơ koan hnê ngăn ‘na luât chiâng vâ tơru\m cheăng tí tăng rup tơleăng, mơdrếo xo liăn ngân [ă túa ki mơdât ăm mung liăn, thăm nếo rup xo lôi mâu ph^u rak xúa tơnêi ki hiăng bruô ăm vâ mơdrếo liăn ngân, tơnêi tíu dêi kuăn pơlê. {ă túa ki lu lêa môi tiah pôa Bình hiăng pro mê, tơnêi tíu hiăng tro hngêi rak liăn râng, hiăng chêh pro [ă hên mâu túa hlá mơ-éa. Tâng ôh tá châ mơdrếo che\n, tơnêi tíu dêi kuăn pơlê kố tro thế mơdrếo, tê vâ hngêi rak liăn mơdrếo xo dêi liăn, tơkéa ga vâ chê tơdroăng tiah mê.

Pôa Phạm Chính Nghĩa, trung tă, Kăn Khu Kan sat séa ngăn tơleăng tơdroăng xôi kân, ngăn ‘na cheăng kâ, mơdât ‘na ma tu\i, ối tung Khu ko\ng an dêi tơring Ia Grai tối ăm ‘nâi tơ’nôm, drêng hlo ai tơdroăng ki kơdrâ kơtâu hdâ ing tíu tơná rêh ối, dế nôkố, Nguyễn Tất Bình rơtế [ă mâu ngế tung rơpo\ng hngêi hiăng pá ai vâ tơpui tơno ki klâi xếo. Dế nôkố, kơ koan séa ngăn tơdroăng xôi dêi Ko\ng an tơring Ia Grai dế thâ tí tăng êng, vâ mơnhên tơdroăng mê.

‘’Ngin xuân ối xo hlá đơn ki kuăn pơlê chêh tối pơtroh ăm ngin kố, ki ê nếo ngin xuân tối pơtâng, hnê khe\n kuăn pơlê kal athế hbrâ kơchăng tung tơdroăng ăm mung liăn, tơnêi tíu, tơmeăm khoăng. Drêng ăm ngế ki lâi mung athế kơchăng [ă kal athế ai chêh tối hlá mơ-éa i nhên’’.

Nguyễn Thảo chêh

Nhat Lisa tơplôu [ă tơbleăng