VOV4.Sêdang - Kơxo lơ 9/6, Vi ƀan Măt trâ̆n tơnêi têa Việt Nam kong pơlê Gia Lai hiăng tơkŭm po xo kơxô̆ liăn kuăn pơlê veăng tơlo, vâ hbrâ mơdât pơreăng Covid-19 dêi mâu khu tơrŭm cheăng, khu mơdró veăng kum. A rôh tơdah xo, ai 4 tíu pêi cheăng, Khu mơdró mê cho: Kŏng ti pêi cheăng tiô rơnó môi tung khu têa châu têa kơxăng Bắc Tây Nguyên veăng tơlo 600 rơtuh liăn, Hngêi rak liăn Sacombank veăng tơlo 50  rơtuh liăn, Kŏng ti mơnhông mơdêk Hngêi kơmăi on tơhrik Sê San veăng tơlo 30 rơtuh liăn, Kŏng ti pêi cheăng tiô rơnó  Khánh Hiền veăng tơlo 20 rơtuh liăn.

Vi ƀan Măt trâ̆n tơnêi têa Việt Nam kong pơlê Gia Lai nhoăm mơnê tơdroăng veăng kum tơlo liăn teăm tơdrêng dêi mâu khu mơdró, khu tơrŭm cheăng tung hbrâ mơdât pơreăng Covid-19, hlối púi vâ mâu khu mơdró, khu ai tuăn hơ-ui pâ pơtối pêi pro tro hnoăng cheăng, rơtế ƀă mâu khu râ pơkuâ cheăng veăng mơdât pơreăng.

Gương tơplôu ƀă tơbleăng