Kơ’nâi vâ chê 1 khế kơhnâ tung tơbleăng pêi pro, tíu mơ’no têa krúa dêi Khu pơkuâ ngăn Đoân droh rơtăm kong pơlê Gialai tơku\m [ă khu droh rơtăm Kuân đoân 3, a cheăm kơtiê xơpá Hà Đông, tơring Đak Đoa hiăng pro klêi. Têa ki mơ’no rơngiâp châ mâu vâi pú hơnăm ối nếo kleăng mơ’no ing ngo Kon Ma Har, ai vâ chê 100 rơpo\ng kuăn pơlê Kon Jốt, cheăm Hà Đông hiăng ai têa bê vâ ôu kâ hum roh jiếo, pá ai xếo  tơdroăng pôu pong lăm hnêng têa hơngế a rơnó tô mơdrăng. Nâ HLan, ối a pơlê Kon Jốt, cheăm Hà Đông, hơ‘muăn tối:

‘’Hdrối nah pá ‘nâng, thế lăm hnêng têa a hơngế, hnêng ing têa kroăng, têa kuăn. Nôkố hiăng ai têa tơdroăng rêh ối dêi rêm ngế hiăng tơniăn tâ, ai têa châ hum roh jiếo hơ’djâ, châ chăn krúa le\m tâ.

Droh rơtăm kâu lak [o# khu [ok thái pơkeăng hơnăm ối nếo kong pơlê Gialai

A cheăm tíu tơkăng kong Ia Nam, tơring Đức Cơ a 12 chôu kơhâi dế rơnó tô mơdrăng ó a kơpong tíu tơkăng kong, o Lê Thị Hoài rơtế [ă mâu đoân viên a kâu lak [o# ngăn pơkeăng hơnăm ối nếo kong pơlê Gialai xuân hâk tó hnê tơrêm ngế xúa pơkeăng ki vâi nếo xo. O Lê Thị Hoài tối ăm ‘nâi, rêm hdroh troh hâi tơdrốu, hâi t^ng lăm khăm, xing xoăng pơkeăng, kuăn pơlê troh khăm pơlât kơdrâm ‘nâng. Xua mê, mâu thái pơkeăng ki lăm pleăng hnoăng cheăng tơná đi đo pêi cheăng troh peăng kong xêi. Mâu thái pơkeăng xuân ai hên tơdroăng cheăng pêi dêi tơná:

‘’Rêm hdroh lăm khăm pơlât vâi krâ-nho\ng o, tung hiâm mơno tâ hơniâp ro [ă châ trâm kuăn pơlê a kố chiâng rơ-rêk tung hiâm mơno, vâi tơdrăng ‘nâng, tơdroăng rêh ối vâi pá puât, vâ tối tơchuâm vâi ối pá khât. Rêm ngế xuân vâ môi tuăn [ă tơdroăng ki ngin pêi, ngin tâ phiu ro tung hiâm mơno, rôh kơ’nâi ah rơhêng vâ prôk nếo’’.

Khu rơtăm mô đo#i to\ng kum kuăn pơlê pêi chiâk

Kơpong hơngế hơngo tíu tơkăng kong [ă kơpong kơtiê xơpá cho mâu tíu ki châ mâu hơnăm ối nếo a Gialai tơku\m veăng kum má môi, tơbleăng hnê pêi pro mâu tơmeăm khoăng, ‘na tơdroăng cheăng kum kuăn pơlê. Pơkâ nhên rêm tơmeăm khoăng, rêm hnoăng cheăng xuân ai tíu [ă thế pêi tơ-[rê, khu tơku\m cheăng Đoân droh rơtăm rêm râ tung kong pơlê xuân chêh nhên tơdroăng pơkâ vâ pêi. Xua mê, tơ’mot hên ngế, mâu khu râ hơnăm ối nếo, ing mâu hơnăm ối nếo tung mâu lêng troh mâu hok tro, sinh viên, mâu droh rơtăm khu mơdró. Malối mâu droh rơtăm pá kong pơlê xuân veăng pêi hên tơdroăng cheăng ai pơxúa a kong pơlê. Ngoh Nguyễn Tương Minh, kăn pơkuâ Ko\ng ti pêi cheăng tiô rơnó, Kơ koan kong têa ê a pơlê kong kân Hồ Chí Minh (FOSCO) ăm ‘nâi:

‘’Môi tiah á cho hâk mơnâ ‘nâng [ă tơdroăng cheăng Đoân, xuân pơtối rak vế tơdroăng cheăng pleăng hnoăng tơná, a nếo tơku\m mâu khu mơdró vâ rêm hơnăm xuân pơtối lăm troh a kơpong kuăn pơlê Tây Nguyên. Tiah mê hiăng châ 8 hơnăm rơtế [ă khu pơkuâ ngăn Đoân droh rơtăm kong pơlê Gialai vâ rơtế pêi mâu tơdroăng [ă khu Đoân kong pơlê lăm cheăng a kơpong hơngế hơngo kum kuăn pơlê ki pá puât. Rêm hơnăm á rơtế [ă khu lăm pêi cheăng ‘na tơdroăng pơlê pơla rơtế [ă hngêi pơkeăng Chợ Rẫy, hngêi pơkeăng pơlât hne\ng-keăng-ngiâ lăm pôu, khăm pơlât, x^ng xoăng pơkeăng tê kơtê klêi mê pro hngêi tuăn pâ, hngêi hơ-ui kum’’.

Vâi rơtăm kong pơlê Gialai pro troăng

Môi khế hiăng luâ, [ă mâu tơmeăm khoăng, peăng tơdroăng cheăng pêi nhên khât, mâu rơxông ối nếo a Gialai pơtối ăm hlo ivá hơnăm ối nếo dêi tơná hiăng châ pơtối rak vế vâ pleăng hnoăng tơná kum kuăn pơlê. Vâ chê 50 km troăng prôk tung thôn pơlê hiăng châ ‘mâi rơnêu pro le\m, trâ văng nhâ êa drô k^ng troăng, 40 to kông kuăn pơlê tơkâ, hên mâu rơchôa hno têa xuân kơnôm ing mâu hơnăm ối nếo pro krá kâk tâ, chât toăng hngêi dêi mâu rơpo\ng kuăn pơlê ki ai hnoăng tơnêi têa ối kơtiê, rơpo\ng kơtiê xơpá châ ‘mâi rơnêu, pro nếo xua ing kơpeăng ko\ng dêi mâu vâi pú hơnăm ối nếo. Ngoh Phan Hồ Giang, kăn pho\ hnê ngăn Đoân droh rơtăm kong pơlê Gialai, tối:

‘’Thăm mơdêk mâu tơdroăng pro troăng prôk, mơjiâng mâu tơmeăm khoăng, peăng tơdroăng cheăng khu droh rơtăm hlo tơ-[rê khât, ai pơxúa ‘na cheăng kâ, rêh ối pơlê pơla, mê hên kuăn pơlê [ă đoân viên droh rơtăm châ xúa. Môi tiah pro tíu mơ’no têa krúa, po pông tơnêi ki vâ pro klâng, kui tah trâp drô troăng cho mơ’no têa troh tung klâng, ‘mâi rơnêu hngêi trăng ăm mâu rơpo\ng ai hnoăng tơnêi têa ki kơtiê, rơpo\ng kơtiê, khăm pơlât, xing xoăng pơkeăng hnối tơru\m [ă mâu tíu pêi cheăng ki ai tuăn hơ-ui hbru tơmeăm, hbru hnoăng liăn mơhá ăm mâu vâi o kơtiê xơpá.

Công Bắc chêh

Gương tơplôu [ă tơbleăng