VOV4.Sêdang - Tung 6 khế apoăng hơnăm kố, Khu rak ngăn kơchô tê mơdró kong pơlê Gialai hiăng châ hlo [ă pơxâu phâk 35 roh pro xôi mâu tơdroăng pơkâ ‘na rak krúa kế kâ. Tíu cheăng kố hiăng rup xo lối chât ta#n hơ’nêh mâm chu, í peâp, ká xi xo\ng [ă mâu têa ngeăm tu\m túa. Tung mê, ôh ti iâ mâu kế tơmeăm ki hiăng u\m, xú ‘mêi, la xua tơdroăng ki rơhăm châ liăn tơkâ hên, mâu tíu ki mơjiâng pro, tê mơdró xuân ôh tá vâ hmâng, ối tê tung kơchô tê mơdró. Ngế chêh hlá tơbeăng cheăng tung Rơ’jiu Việt Nam a kơpong Tây Nguyên a chêh tối ‘na tơdroăng mê, pó vâi krâ nho\ng o kô tơmâng.

A chê pơla kố, Khu rak ngăn kơchô tê mơdró u kố, u tá hiăng lăm séa ngăn ôh tá tối hdrối a tíu ki mơjiâng pro, tê mơdró phá dêi jâ Lê Thị Nguyệt, a kơxo# 39, troăng Quyết Tiến, pơlê kong kơdrâm Pleiku. Akố, khu ki ai tơdjâk troh châ hlo hên rau câu, kơ-[ăn ke\o hiăng tâi hâi khế xúa, ôh tá tơdrăng tung tê mơdró, hâi khế xúa [ă tê mơdró kế kâ ôh tá ai tro tiô hlá mơ-éa mơnhên ‘na krúa le#m kế kâ. Xua mê, Khu rak ngăn kơchô tê mơdró u kố u mê hiăng prâu tah vâ chê 40 kg kế tơmeăm, [ă pơxâu phâk ngế ki pơkuâ tíu ki mơdró kế tơmeăm kố [ă kơxo# liăn lối 6 rơtuh.

Xuân tung rôh lăm séa ngăn kố, Khu rak ngăn kơchô tê mơdró kơxo# 1 tơru\m [ă khu ki hbrâ mơdât tê mơdró ôh tá tro luât {ơrô ngăn kăn sât séa ngăn tơdroăng xôi ‘na cheăng kâ, ối tung Ko\ng an kong pơlê Daklak hiăng séa ngăn hnôu ‘măn tơmeăm dêi pôa Vũ Hùng, ối a troăng Hoàng Sa, pơlê kong kơdrâm Pleiku. Khu tơru\m ki ai tơdjâk troh hiăng châ hlo lối 1 ta#n hơ’nêh mâm tu\m túa ki pro hngiú ôh tá ai hlá mơ-éa, mơnhên xiâm kối roê ‘mot ing lâi. Tíu ki tê mơdró kố hiăng tê mơdró kế tơmeăm ki hngiú hên khế kố, tê lối châ ta#n hơ’nêh mâm tung kơchô tê mơdró dêi pơlê kong kơdrâm Pleiku hiăng hên hơnăm. Drêng ‘nâi tơdroăng kố, hên ngế hmâ rôe kâ hơ’nêh mâm ki pro hngiú tô tuăn khât. Nâ Ngô Thị Hạnh, hngêi ối a kơxo# 36, troăng Ung Văn Khiêm, pơlê kong kơdrâm Pleiku, kong pơlê Gialai tối:

‘’Rêm măng t^ng rơpo\ng á kâ sap ing 4 troh 5 hdroh hơ’nêh mâm ki ‘măn tung kơtuh hngiú, pơtih hơ’nêh đà điểu, lơ mâ chăm kong, hơ’nêh í, [ă hía hế. Mâu hơ’nêh mâm ki mê, á roê pá kong, ôh ti xê tung kơchô. La tâng tíu ki tê mơdró hơ’nêh mâm mê ôh tá ai xiâm kối ing lâi, mê á ôh tá khên roê xếo. Á mot tung siêu th^ roê ăm gá tơniăn’’.

Tung ‘’Khế pro xua tơdroăng ki krúa le#m kế kâ’’, mâu khu séa ngăn ki ai tơdjâk dêi kong pơlê Gialai hiăng séa ngăn a lối 1 rơpâu 300 tíu mơjiâng pro, tê mơdró kế kâ tung pơlê kong kơdrâm 17 tung 17 tơring, pơlê krâm, pơlê kong kơdrâm. Ing mê, hiăng châ hlo 213 tíu tê mơdró ki pro xôi luât ‘na mâu tơdroăng ki ôh tá krúa le#m kế kâ. Mâu tơdroăng xôi ki xiâm cho: Mâu kế tơmeăm ki mơjiâng pro tá hâi châ rak tơniăn, ‘na kuăn mơngế tá hâi tơtro, pro xôi ‘na te\m tem, inâi dêi kế tơmeăm kâ, kơpong uâ pơliê, rak vế tá hâi tơniăn [ă hên tơdroăng ki ê. Mâu khu ki ai tơdjâk dêi kơvâ cheăng kố hiăng pơxâu phâk liăn [ă 43 tíu ki mơjiâng pro, tê mơdró, prâu tah 16 mâu túa tơmeăm ki pro xôi [ă hnê tối, ‘mâi rơnêu tơdroăng pêi cheăng dêi 170 tíu ki mơjiâng pro, tê mơdró, uâ pơliê tê mơdró kế kâ. Pôa Lê Huy Vinh, kăn pho\ ngăn rak ngăn kơchô tê mơdró kong pơlê Gialai tối:

‘’6 khế mơ’nui hơnăm tá hâi po hên hâi leh, mê ngin kô tơku\m tu\m khu ki ai tơdjâk tro ‘na pro rak krúa kế kâ dêi kong pơlê xuân môi tiah mâu tơring, pơlê kong krâm, pơlê kong kơdrâm pơkâ thế. Mâ luâ ti mê, tung pơla séa ngăn, ngin kô pêi pro tro hnoăng cheăng tối tơbleăng [ă hlá mơ-éa ‘na luât, mơdêk tuăn hiâm dêi mâu tíu ki mơjiâng pro, tê mơdró [ă mâu ngế ki roê xúa kế kâ’’.

Klêi tối tơbleăng ai hên ká têa kơx^ kơpong sap ing Hà Tĩnh troh Thừa Thiên Huế tro hlâ xua tâ trếo ‘mêi meăm, tê a kơpong peăng hdroh [ă Tây Nguyên, hên kuăn pơlê kong pơlê Gialai tô tuăn drêng roê kế kâ ki chiâng ing têa kơx^. Thăm nếo hên mâu ngế ki pế pơchên hmê kơchâi tung hên khế ôh tá khên roê xúa kế kâ ki ai xiâm kối ing têa kơx^ tung rêm roh kâ hmê dêi rơpo\ng hngêi. Vâ pó vâi krâ nho\ng o ‘nâi nhên tâ ‘na hnoăng cheăng séa ngăn kế kâ ing têa kơx^ dêi kơ koan ai tơdjâk kong pơlê, ngế chêh hlá tơbeăng chêh ‘na tơdroăng kố ai rôh tơpui tơno [ă pôa Nguyễn Văn Đang, kăn ngăn ‘na pro rak krúa kế kâ kong pơlê Gialai.

 Êng: Ô pôa, kế kâ ki tơnăng xo ing têa kơx^ cho môi tung mâu kế kâ ki kal [ă mâu kuăn pơlê Gialai. Laga, tung pơla hdrối kố nah, hên kuăn pơlê tô tuăn ‘na tơdroăng ki tối kế kâ ai krêa trếo meăm a peăng tơdế tơnêi têa châ tê troh a Tây Nguyên. Tung tơdroăng mê, Khu ngăn ‘na rak pro krúa le#m kế kâ hiăng séa ngăn môi tiah lâi?

Tiâ:  Pêi tiô túa pơkâ hnê mơhno ki ai tơdjâk ‘na pro rak krúa kế kâ Tíu xiâm tơnêi têa [ă Khu xiâm ngăn pơkeăng [ă khăm pơlât, Khu xiâm ngăn rak krúa kế kâ cho kơ koan pơkuâ hiăng tí tăng ‘nâi ple\ng ăm khu hnê mơhno cheăng ki ai tơdjâk troh lăm séa ngăn tơdrêng a mâu tíu ki tê mơdró ‘na ká xi xo\ng [ă mâu tíu ki ‘măn kế tơmeăm hngiú rak ngăn ká a mâu tơring dêi kong pơlê Gialai. Tâi tâng ká ai xiâm kối ing Phú Quốc, Hải Phòng, Nha Trang [ă Quy Nhơn, klêi séa ngăn mâu tíu cheăng hiăng tối tơbleăng mâu hlá mơ-éa mơnhên xiâm kối dêi mâu ká drêng vâ tê mơdró tung kong pơlê Gialai. Xua mê, á hnê tối ăm vâi krâ nho\ng o, mâu ká tiah mê hiăng pro tiô mâu hlá mơ-éa dêi luât pơkâ, rak tơniăn tơdroăng ki pơkâ thế, vâi krâ nho\ng o a thế hmiân tuăn drêng roê xúa.

Êng: Tung pơla séa ngăn, mâu tíu ki mơjiâng pro, tê mơdró kế kâ, tâng châ hlo pro xôi tung tê mơdró, roê ‘mot kế tơmeăm ôh tá krúa le#m, Khu xiâm kô pơxâu phâk môi tiah lâi ô pôa?

Tiâ: Drêng lăm ngăn tâi tâng môi tiah mê, tâng châ hlo tíu ki lâi mơjiâng pro, tê mơdró kế tơmeăm ôh tá ‘nâi nhên xiâm kối, ôh tá rak tơniăn krúa le#m kế kâ, ngin kô mơ-eăm pơxâu phâk, pôi tá ăm kế kâ ki ôh tá krúa, pro tơdjâk troh ivá, châ chăn kuăn pơlê. Ki nhên gá, khu kố xo ngăn túa vâ séa ngăn, klêi mê, mơnhên kế kâ ki mê ôh tá krúa, tơdrêng a mê hnối pơxâu phâk liăn ngân [ă mâu tíu ki mơjiâng pro, tê mơdró kế kâ ki mơni kô pro pôu ‘mêi.

Êng:Tung la ngiâ ah, vâ rak pro rak tơiăn ‘na tơdroăng ki dâi le#m dêi mâu kế tơmeăm ki tơnăng xo ing têa kơx^ xuân môi tiah kum mâu ngế ki roê xúa Gialai hmiân tuăn tâ tung roê xúa kế kâ, Khu xiâm kô tối tơbleăng mâu tơdroăng pêi pro môi tiah lâi ô pôa?

Tiâ: Tung la ngiâ ah, vâ séa ngăn kế tơmeăm ki krúa le#m, ai xiâm kối mơjiâng pro, tê mơdró, malối cho kế tơmeăm ‘na têa kơx^, mê [ă tơdroăng cho kơ koan pơkuâ, tí tăng ‘nâi ple\ng ăm Khu hnê mơhno rak krúa kế kâ dêi kong pơlê, ngin kô lăm séa ngăn tâi tâng mâu kơchô ki xiâm, môi tiah tíu xiâm tê mơdró Pleiku, mâu kơchô tơring, mâu kơchô ki mơjiâng pro xêh, séa ngăn tâi tâng mâu kế kâ ki ai tơdjâk troh vâ séa ngăn, pôi tá ăm ai kế kâ ki ôh tá krúa châ ‘no tê tung kơchô tê mơdró, pro tơdjâk troh ivá châ chăn kuăn pơlê.

Hôm mơnê kơ pôa!

Katarina Nga tơplôu [ă tơbleăng