Êng: Koh hmât ngoh Krinh, ngoh tối ăm ‘nâi mâu tơdroăng ki châ tơ-[rê tung cheăng kâ, tê mơdró xuân môi tiah hnoăng cheăng Đoân droh rơtăm, hnoăng cheăng tung hơnăm 2016 dêi ngoh?

Ngoh Krinh: Rơpo\ng á mơnhông tơtêk ‘na cheăng kâ kơnôm ing lối 3 ha tơnêi, cho 1 ha Kơxu, 1 ha 5 sao kơphế, lối 1 rơpâu xiâm tiu. Kơphế hơnăm 2016 châ 15 ta#n ối drêh, tiô tối hdrối dâng 1,5 ta#n tiu, kơxu rêm hơnăm kúa tê châ 30 rơtuh liăn. Tâi tâng kơxo# liăn pêi lo rêm hơnăm dêi rơpo\ng á châ sap ing 400 troh 500 rơtuh liăn. ‘Na hnoăng cheăng Đoân, á đi đo veăng tu\m tung tơdroăng tơ’noăng dêi Đoân cheăm tối tơbleăng, tơ’noăng pêi cheăng kâ, mơnhông mơdêk. Tơná á xuân sôk ro drêng châ khe#n kơdeăn râ kong pơlê, châ xo a kong pơlê Daknông. Á xuân sôk ro drêng châ Tíu xiâm Đoân diâp ăm [âng khe#n kơdeăn pêi cheăng kâ rơkê.

Êng: Vâ pêi mâu tơdroăng môi tiah mê, Krinh hiăng ai ivá mơ-eăm tiah lâi tung hơnăm hiăng hluâ?

Ngoh Krinh: Tơná á đi đo hriâm [ối túa pêt kơphế, tiu, kơxu a kong pơlê, hriâm [ối sap ing mâu nho\ng o, pú hmâ. ‘Na hnoăng cheăng Đoân mê á rơtế [ă ivá mơ-eăm dêi tơná, á đi đo châ xo tơdroăng ki mơhnhôk, tơmâng ngăn, to\ng kum sap ing khu râ kơpêng, vâ hnoăng cheăng Đoân châ tối tơbleăng tơ’lêi hlâu [ă châ tơ-[rê.

Êng: Mot tung hơnăm nếo 2017, Krinh ai tơmiât klâi tung cheăng kâ, tê mơdró xuân môi tiah tung rôh pêi cheăng dêi Đoân?

Ngoh Krinh: Hơnăm 2017, tiô tối hdrối á kô po rơdâ [ăng tơnêi pêt tơ’nôm tiu. Pák^ng mê, á kô pơtối rak ngăn krâu tâ nếo ‘na xiâm tiu ki hiăng pêt, poê tơkâng kơphế, tôh têa ăm tiu [ă pêi tu\m vâ ai kơxo# liăn pêi lo hên tung rêh ối. {ă hnoăng cheăng Đoân á kô kơhnâ tâ nếo tung mơhnhôk đoân viên, droh rơtăm veăng tu\m tung tơdroăng pơkuâ djâ tơ’noăng a tơring, cheăm, mơdêk hnoăng cheăng mơjiâng Đoân xuân môi tiah djâ troăng ahdrối tung cheăng kâ a kong pơlê.

Êng: Drêng lo hơnăm nếo 2017, Krinh ai rơkong rơkâu klâi troh tâi tâng đoân viên, droh rơtăm xuân môi tiah kuăn pơlê tung lâp tơnêi têa?

Ngoh Krinh: Sôk ro rơnó hơngui nếo 2017, pâ rơkâu tâi tâng đoân viên, droh rơtăm tung lâp tơnêi têa ai ivá rơdêi, hơniâp ro.

Êng: Mơnê Krinh [ă mâu rơkong rơkâu ki Krinh hiăng tơpui tung hơnăm 2017 kô pơtối rak vế mâu túa pơkâ châ tơ-[rê tung rêh ối.

Katarina Nga tơplôu [ă tơbleăng