VOV4.Sêdang -  Kơxê hâi lơ 5/5, pôa Chu Ngọc Anh, Kăn xiâm hnê ngăn  Vi ƀan pơlê kong kân Hà Nội hiăng lăm séa ngăn tơdroăng hbrâ mơdât pơreăng a hngêi pơkeăng Nhiệt Đới Trung ương tíu pêi cheăng má 2 a (tơring Đông Anh) klêi châ ‘nâi ai ƀok thaí pơkeăng dêi Hngêi pơkeăng tâ tú SARS- CoV-2 . Pôa Chu Ngọc Anh ăm ‘nâi, pơlê kong kân hiăng môi tuăn ƀă Khu xiâm ngăn pơkeăng thế kring gak tâi tâng mâu tíu pêi cheăng má 2 dêi Hngêi pơkeăng Nhiệt đới Trung ương.

Tơdroăng cheăng pêi ki hdrối, ki ‘na ngiâ cho rĕng kâi mơdât, rak  tơniăn ăm mâu ƀok thái pơkeăng, mâu ngế cheăng ngăn ‘na khăm pơlât ki dế pơlât ngăn mâu ki tâ pơreăng.  Kố xuân cho tơdroăng pêi pro vâ mơdât pơreăng tâ tú lâp lu. Tiô ngế xiâm pơkuâ pơlê kong kân Hà Nội, ƀă tơdroăng hlo pơreăng tâ tú rơ-iô , ai túa pơreăng ki nếo, mâu khu cheăng plâ mơdât pơreăng môi tiah mâu ƀok thái pơkeăng, mâu ngế cheăng khăm pơlât hiăng ai ngế dương tính ƀă pơreăng SARS- CoV-2.

Pôa Chu Ngọc Anh thế séa ngăn tâi tâng inâi mâu ngế ki mot lo a hngêi pơkeăng tung pơla 10 hâi achê kố vâ tăng ‘nâi ngế ki xiâm, klêi mê xo ngăn mơheăm, vâ rĕng xoh pơkeăng kơdê pơreăng a tíu ki tâ tú pơreăng mê.

Gương tơplôu ƀă tơbleăng