VOV4.Sêdang - Tiô tơdroăng ăm ‘nâi ing Vi ƀan pơlê kong kân Hà Nội, troh tâi hâi lơ 11/10, pơlê kong kân hiăng pêi pro tiô pơkâ dêi Tíu xiâm, malối ki xiâm dêi tơdroăng cheăng pơlê kong kân kố hiăng mơhnhôk pơlê pơla vâ pơkâ tŏng kum ăm mâu ngế ki xơpá ƀă kơxô̆ liăn tâi tâng lối 1.517 rơtal liăn.

Liăn ngân tơnêi têa pêi pro tơdroăng pơkâ 68 dêi Chin phuh, Pơkâ 15 dêi pơlê kong kân 1.123 rơtal liăn; cho kơxô̆ liăn ki mơhnhôk kuăn pơlê veăng tơlo vâ kum mâu ngế xơpá pa gong tơdroăng pơkâ 393 rơtal liăn, Vi ƀan Măt trâ̆n tơnêi têa pơlê kong kân hiăng xo vâ chê 90 rơtal liăn ing liăn veăng tơlo hbrâ mơdât pơreăng COVID-19 vâ kum ăm 175 rơpâu 117 ngế ki xơpá tung pơlê kong kân.  

Gương tơplôu ƀă tơbleăng