VOV4.Sêdang - Kơxo lơ 12/6, ai lối 93 rơpâu ngế hok tro a Hà Nội veăng mot tơ’noăng mot lâm 10, râ má pái phôh thong dêi tơnêi têa hơnăm 2021-2022, kô tơ’noăng môn Ngữ văn ƀă nâl kong ê. Kơxo lơ 13/6, hok tro kô tơ’noăng pơtối 2 môn ki ê nếo cho Toán ƀă Lịch sử. Vâ tơniăn ƀă klâ kơtăn hbrâ mơdât pơreăng drêng hok tro troh veăng tơ’noăng, pôa Chử Xuân Dũng, Kăn phŏ hnê ngăn Vi ƀan Pơlê kong kân Hà Nội, Kăn pơkuâ hnê mơhno tơ’noăng, rah xo hok tro pơlê kong kân Hà Nội hơnăm 2021 – 2022 pơkâ mâu tíu tơ’noăng pơtroh kăn ƀô̆ pêi ‘na tơdroăng ngăn tơ’noăng thế rĕng troh tâ vâ tơdah hok tro; tơdrêng amê pơkâ thế 184 tíu tơ’noăng klêi kơ’nâi mơgêi roh tơ’noăng thế mơgrúa lĕm, xôh pơkeăng kơdê pơreăng tâi tâng kơbong tơ’noăng, plông hngêi trung.

Vâ tơniăn po hneăng tơ’noăng tro tiô pơkâ, Khu pơkuâ Hnê hriâm ƀă hnê mơjiâng tuăn ngôa rơkê Hà Nội hiăng mơhnhôk 500 ngế kăn ƀô̆ séa ngăn gak ngăn a 184 tíu tơ’noăng ƀă mơjiâng mâu khu séa ngăn vâ troh mâu tíu tơ’noăng séa ngăn tơdroăng tơkŭm po tơ’noăng.

A Sa Ly tơplôu ƀă tơbleăng