VOV4.Sêdang - Kơxê lơ 12/4, pôa Chử Xuân Dũng, Kăn xiâm phŏ hnê ngăn Vi ƀan Pơlê kong kân Hà Nôị pơkuâ hneăng hôp mơ’no tơdrêng tung um tơvi  ƀă mâu pơlê krâm, tơring, bêng, cheăm vâ pơtối tơbleăng mâu tơdroăng hbrâ mơdât pơreăng COVID-19 xuân môi tiah pơreăng thĕn kŏng chêng rơkong ...

Ing mê, tối tơbleăng dêi khu ngăn pơkeăng pơlât Hà Nôị, troh nôkố hiăng luâ 56 hâi pơlê kong kân ôh tá ai ngế tâ pơreăng tung kuăn pơlê. Pơlê kong kân hiăng tơkŭm pâk vaccine  mơdât COVID-19 ăm 8.047 ngế, luâ tơdroăng pơkâ. Tơdroăng pâk vaccine mơdât COVID-19 tung rôh má péa, ai lối 50.000 klŏng, kô pâk ăm lối 26.000 ngế cheăng ngăn pơkeăng ƀă lối 70 rơpâu ngế tung khu séa ngăn ‘na COVID-19 tung kuăn pơlê ƀă tiô tối hdrối tung hơnăm kố, Hà Nội kô pâk vaccine mơdât COVID-19 ăm 350 rơpâu ngế.

Tơdjâk troh pơreăng thĕn kŏng chêng rơkŏng, pôa Chử Xuân Dũng thế mâu kong pơlê, tơmâng khât tơdroăng hbrâ mơdât pơreăng thĕn kŏng chêng rơkong; thế mâu pơlê krâm, tơring hnê tối ăm kuăn pơlê ‘nâi nhên tơdroăng hbrâ mơdât pơreăng. 

Gương tơplôu ƀă tơbleăng