VOV4.Sêdang -  Hâi kố, rơtế [ă mâu hok tro tung lâp tơnêi têa, lối chât rơpâu ngế hok tro a kơpong Tây Nguyên pơxiâm tơ’noăng hâi apoăng dêi rôh tơ’noăng râ má pái trung hok phôh tho\\ng tơnêi têa.

Khu hnê mơhno hneăng tơ’noăng râ má pái phôh thông tơnêi têa hơnăm 2015 nếo tơbleăng kơxo# phôn khu ki pơkuâ ‘na tơ’noăng dêi Khu xiâm hnê hriêm [a\ hnê mơhno vâ mâu hok tro, nôu pâ hok tro [a\ pơlê pơla teăm tơbleăng tơdrêng tơdroăng ki ôh tá tơtro, pơxa\m tối pơxa\m tơkêng ‘na hneăng tơ’noăng râ má pái phôh thông. Hlối ai kơxo# phôn dêi Khu hnê mơhno hneăng tơ’noăng râ má pái phôh thông hơnăm 2015, mê cho kơxo# 04.36231138 lơ 04.3620816 lơ 04.36231137 lơ 04.36231136. Kơthô điên tưh: thi-ts@moet.edu.vn. Kơxo# phôn pơkuâ tơ’noăng dêi khu séa ngăn Khu xiâm hnê hriêm [a\ hnê mơhno cho 04.36231285, troăng phôn ki re\ng má môi mê cho 01644756210; E-mail: thanhtradiaphuong@moet.edu.vn; E-mail dêi kăn xiâm pơkuâ hnê hriêm [a\ hnê mơhno: pvluan@moet.edu.vn .

Hdrối mê, hâi lơ 30 khế 6, vâi o hiăng troh a mâu hngêi trung tơ’noăng vâ pro hla mơ-éa, tơmâng tối tơbleăng luât tơ’noăng. A mâu tíu tơ’noăng Đại học Tây Nguyên, kơxo# hok tro 2 kong pơlê Dak Lak, Dak Nông troh lăm pro mơ-éa vâ tơ’noăng châ 96%, dêi lối 23 rơpâu 900 ngế chêh inâi tơ’noăng. Tiô khu tơku\m po tơ’noăng, kơxo# hồ sơ thế ‘mâi rơnêu chêh a mâu tíu tơ’noăng ôh tá hên. Mâu tơdroăng ki chêh hâi teăm tro môi tiah hâi khế hnăm kot mâ, kơxo# Hlá kiêm tra xuân ‘mâi rơnêu tơdrêng vâ mâu hok tro ki tơ’noăng châ mot tơ’noăng a kơxo kố.

Tơdroăng cheăng tơdah xo mâu hok tro lăm tơ’noăng a tíu tơ’noăng Đại học Tây Nguyên hiăng châ hnê pêi pro [ă ai lối 1 rơpâu ngế pleăng dêi hnoăng cheăng veăng kum mơhno troăng, tíu ối. Lối 1 rơpâu 600 hnoăng kâ hmê tê kơtê, yă rơpâ, [ă 500 tíu ăm koi pơtê ôh tá nâp liăn hiăng châ mâu ki veăng kum hbrâ vâ to\ng kum mâu hok tro tung mâu hâi tơ’noăng. Ngoh Đặng Gia Duẩn, kăn pho\ hnê ngăn Đảng dêi khu pơkuâ ngăn Đoân kong pơlê Dak Lak, kăn hnê mơhno kum tơdah hok tro lăm tơ’noăng ăm ‘nâi: Ngin pơtối tí tăng ‘nâi ple\ng tung mâu hok tro ki xahpá vâ pơtối kum vâi o tung plâ rôh tơ’noăng, pêi pro tơdroăng rơtế [ă pú lăm tơ’noăng, tơdah klêi mê chiân vâ lăm troh a tíu ối oh tá nâp liăn, kum hmê kâ, klêi mê chiân vâi lăm troh a tíu tơ’noăng tơniăn.

Gương tơplôu