VOV4.Sêdang - Hâi lơ 8/4, cho hâi pêi cheăng má mơ’nui dêi hneăng hôp roh má 11, Kuô̆k hô̆i hneăng má XIV. Peăng kơxo, Kuô̆k hô̆i tơkŭm pro mâu mơ-éa pơkâ thế tơdroăng rah xo mâu Ngế pro xiâm phŏ hnê ngăn Chin phuh, mâu Ngế xiâm ƀă mâu kăn ki ê dêi Chin phuh. Jâ Nguyễn Thị Thanh, Kăn cheăng tung Vi ƀan pơkuâ Kuô̆k hô̆i, teăng mâ Vi ƀan pơkuâ Kuô̆k hô̆i, tơbleăng tơdroăng châ tơƀrê tơpui tơno a Khu ‘na tơdroăng kĭ tơdroăng rah xo mâu Ngế xiâm phŏ hnê ngăn Chin phuh, mâu Ngế xiâm ƀă mâu kăn ki ê dêi Chin phuh.

Hneăng hôp 11, Kuô̆k hô̆i hneăng má XIV

Pôa Phạm Minh Chính, Ngế pro xiâm hnê ngăn Chin phuh tơbleăng Kuô̆k hô̆i ‘na tơdroăng tiâ rơkong, tơmâng xo rơkong dêi mâu kăn teăng mâ ahdrối Kuô̆k hô̆i kĭ ăm pêi pro pơkâ tơdroăng rah xo ƀă troăng tâ phĭu kí. Klêi kơ’nâi tơbleăng tơdroăng séa ngăn phĭu, Kuô̆k hô̆i tơpui tơno, têk kŏng môi tuăn tơbleăng pơkâ kĭ ăm pêi pro  tơdroăng rah xo mâu Ngế pro xiâm phŏ hnê ngăn Chin phuh, mâu Ngế xiâm ƀă khu râ kăn ki ê dêi Chin phuh.

A Sa Ly tơplôu ƀă tơbleăng