VOV4.Sêdang - Ƀă tơdroăng xo hiâm mơno ki lĕm pro xiâm loi nhoăm, mê kơxo lơ 26/5 a hngêi chuô Quán Sứ, Hà Nội, Khu ngăn tơdroăng khôp Phop Việt Nam tơkŭm po mơđah tơbleăng hâi tĭng kân Phật đản Phật lịch 2565 - Dương lịch 2021. Pôa Phạm Minh Chính, Ngế pro xiâm hnê ngăn tơnêi têa pơtroh kơpâu reăng rơkâu, tơdroăng pêi pro dêi mâu jâ ƀok Phop mâu ki tiô khôp phop Hô̆i đong pơkuâ ngăn khôp Phop tơkŭm krê ƀă tơbleăng tơdrêng ăm kơpong rak tơniăn ăm mâu ki tiô khôp Phop a hngêi chuô ƀă mơ’no tơdrêng tung Facebook dêi Khu xiâm ngăn tơdroăng khôp Phop Việt Nam ƀă ƀâng mơ’no tung um An Viên troh mâu khôp Phop lâp tơnêi têa.

Hâi tĭng kân Phật đản Phật lịch 2565 - Dương Lịch 2021

Xua pơreăng tâ tú rơ-iô mê tâi tâng mâu kuăn pơlê ki tiô khôp Phop lăm khôp xuân pêi pro tro 5K ƀă pêi pro tơdroăng khôp ƀă hiâm tuăn nhoăm pâ. Ƀok phop Thích Đức Thiện, Ngế xiâm chêh tôm xo rơkong, Kăn xiâm phŏ Hô̆i đong ngăn khôp Phop Việt Nam ăm ‘nâi kố cho tơdroăng ki kal, hlối kum mâu ki tiô khôp mơhno tuăn pâ nhoăm kơ ƀok Phop ing mâu tơdroăng mơhum Phop, hlối mơhno ki lĕm ‘nâi hơ-ui pâ, tơrŭm môi tuăn, rơtế ƀă Khu xiâm ngăn tơdroăng khôp Phop Việt Nam, rơtế ƀă mâu hdroâng kuăn ngo tung tơdroăng mơdât pơreăng COVID-19.

Gương tơplôu ƀă tơbleăng