VOV4.Sêdang - Ngế pro xiâm hnê ngăn Chin phuh nếo kĭ Pơkâ kơxô̆ 782/QĐ-TTg kĭ tơdroăng hbrâ mơdât, kơdroh vâi hdrêng pêi cheăng ôh tá tro tiô pơkâ dêi luât hneăng hơnăm 2021 – 2025, pơkâ pêi troh hơnăm 2030. Pơtối mê, tơdroăng pơkâ pêi troh hơnăm 2030, mơ-eăm kơdroh kơxô̆ vâi hdrêng pêi cheăng ƀă mơngế tá hâi phô̆m xông kân sap ing 5 troh 17 hơnăm chu 4,5%; kơdroh kơxô̆ vâi hdrêng pêi cheăng, pêi cheăng hngăm, pêi cheăng tung tiú ‘mêi, rơ-iô.

Tơdrêng amê, thăm séa ngăn, châ hlo teăm tơdrêng ƀă pơxâu phâk kơtăng mâu roh tơdroăng pro xôi luât ‘na xua mơngế pêi cheăng vâi hdrêng. Tơdroăng hiăng mơ’no mâu hnoăng cheăng ki nhên vâ pêi kêi đeăng pơkâ mơ’no, môi tiah: Kêi đeăng troăng hơlâ, luât ‘na hbrâ mơdât, kơdroh vâi hdrêng pêi cheăng.

A Sa Ly tơplôu ƀă tơbleăng