VOV4.Sêdang - Kơxê lơ 24/6, pôa Trần Tuấn Anh, ngế xiâm pơkuâ cheăng kâ hiăng pêi cheăng ƀă Khu kăn ƀô̆ pơkuâ ‘na tơdroăng cheăng Đảng ối tung Khu xiâm pơkuâ ‘na chiâk deăng ƀă mơnhông thôn pơlê ‘na mơgêi 10 hơnăm pơ’lêh nếo troăng hơlâ tơnêi tơníu tung rơxông thăm mơnhông tŭm têk roh pơ’lêh nếo, ƀă Pơkâ kơxô̆ 26 dêi Khu xiâm pơkuâ tơnêi têa hneăng má 10 ‘na pêi chiâk deăng, kuăn pơlê pêi chiâk deăng, thôn pơlê.

Pôa Trần Tuấn Anh, Kăn cheăng tung Khu xiâm kal kí pêi cheăng ƀă Khu xiâm pơkuâ ‘na chiâk deăng ƀă mơnhông thôn pơlê

Pôa Trần Tuấn Anh tối nhên: tơdroăng tơpui tơno a roh pêi cheăng kum Khu hnê mơhno tơ’nôm mâu troăng tơmiât pêi, tơdroăng xiâm ki kal tung mâu tơdroăng ‘na mơjiâng Pơkâ nếo ‘na tơnêi tíu ƀă Pơkâ nếo ‘na thôn pơlê, kuăn pơlê pêi chiâk deăng, thôn pơlê; po mâu troăng hơlâ, pơkâ pêi la ngiâ, troăng pêi tung rơxông nếo, ƀă pơkâ pro ăm tơnêi tơníu, ki rơhêng vâ tối cho tơnêi pêi chiâk deăng chiâng tơdroăng ki nếo thăm mơnhông pêi chiâk deăng, cheăng kâ – rêh ối pơlê pơla thôn pơlê tơnêi têa pin mơnhông mơdêk rĕng ƀă krá tơniăn tâ.

A Sa Ly tơplôu ƀă tơbleăng