VOV4.Sêdang -Ngế pro xiâm hnê ngăn Chin phuh nếo pơkâ tơdroăng xo phái ing xiâm ‘măn kơdĭng tơnêi têa ăm mâu kong pơlê Bình Phước, Bạc Liêu, Sóc Trăng vâ kum kuăn pơlê ki trâm pá xua pơreăng COVID-19. Tâi tâng kơxô̆ phái ăm mê lối 4.117 tâ̆n. Pơkâ ai chêh chêh nhên: Séa ngăn tiô pơkâ dêi Khu xiâm ngăn cheăng pêi - Mô đô̆i tro rong ƀă rêh ối pơlê pơla, Khu xiâm ngăn liăn ngân, hâi lơ 16/8, Ngế pro xiâm hnê ngăn Chin phuh hiăng pơkâ ăm khu xiâm ngăn liăn ngân ăm ôh tá xo liăn lối 4.117 tâ̆n phái ing phái ‘măn kơdĭng dêi Tơnêi têa ăm mâu kong pơlê Bình Phước, Bạc Liêu, Sóc Trăng vâ kum ăm kuăn pơlê ki trâm pá xua pơreăng COVID-19.

Ing mê, kong pơlê Bình Phước châ kum lối 559 tâ̆n phái; kong pơlê Bạc Liêu châ kum lối 636 tâ̆n phái ƀă kong pơlê Sóc Trăng châ kum lối 2.921 tâ̆n phái. Ngế pro xiâm hnê ngăn Chin phuh pơcháu ăm Khu xiâm ngăn ‘na cheăng pêi - mô đô̆i rong ƀă rêh ối pơlê pơla,  Khu xiâm ngăn ‘na liăn xo pêi pro tiô pơkâ, thế chiu pôu hnoăng dêi ‘na tơdroăng kal ƀă kơxô̆ ki chêh tơbleăng.

Gương tơplôu ƀă tơbleăng