VOV4.Sêdang - Kơhnâ pêi cheăng kâ, kơd^ng, hên rơpo\ng hdroâng mơngế Nùng a cheăm Dak Ndrot, tơring Dak Mil, kong pơlê Dak Nông hiăng hlu\n ing kơtiê, mơ-eăm pro kro mơdro\ng a kơpong tơnêi ki nếo. Hâi kố, pó vâi krâ nho\ng o kô tơmâng [ai chêh dêi Hưng Nguyên, ‘na tơdroăng ki rơkê pro kro mơdro\ng dêi vâi krâ nho\ng o Nùng akố

Krâu kơhnâ, kơdôu mơ-eăm tăng túa pêi chea\ng kâ, kơd^ng liăn, hên rơpo\ng hdroâng mơngế Nùng a cheăm Dak Ndrot, tơring Dak Mil,  kong pơlê Dak Nông hiăng hlu\n ing kơtiê, mơ-eăm pro kro mơdro\ng a kơpong tơnêi nếo. Tơdroăng chêh tối hâi kố, pó vâi krâ nho\ng o [a\ pú hmâ rơtế tơmâng [ai dêi Hưng Nguyên, ‘na túa ki rơkê pro kro mơdro\ng dêi kuăn pơlê mơngế Nùng akố!

Poâ Âu Xuân Tài ối a thôn 7 châ ngăn cho môi tung mâu ngế ki ‘’Tăng liăn châ troh dâng rơtuh’’ apoăng kơnôm hơ’leh tung pêi cheăng kâ. Hơnăm 2003, poâ Tài pơxiâm mơjiâng túa cheăng kâ [a\ péa túa hdrê loăng plâi ki xiâm cho tiu [a\ kơxu.

            Poâ Tài ăm ‘nâi: Apoăng hlo vâi pêt xuân pêi [ối, laga xua rah hdrê [a\ rak ngăn ôh tá tơtro tơdroăng, mê loăng khăng, xông ôh ti dâi le\m. Xua mê, pôa hiăng mơ-eăm hriâm túa pêi pêt a mâu kơdrum tiu ki hlo vâi pêi rơkê, pêi lo hên liăn ngân a kong pơlê Dak Lak, Bình Phước klêi mê hriăn ple\ng ‘na tơnêi, vâ ai túa pêi ki tơtro, xua mê châ tơ-[rê hên.

            Drêng hiăng ‘nâi túa pêi, poâ mơ’no liăn rôe hdrê, pêi pêt, rak ngăn tiu, kơxu, [a\ pro tu\m túa rak ngăn. Kơnôm ti mê, kơdrum tiu 3 rơpâu xiâm [a\ 6 hectar kơxu dêi rơpo\ng poâ rế hía rế xông kân, drêh le\m, nôkố hiăng châ krí, kúa xo, pêi lo hơnăm kơ’nâi đi đo châ hên luâ tâ hơnăm hdrối, nôkố rêm hơnăm rơpo\ng poâ pêi lo lối 500 rơtuh liăn. Môi tiah mê há, rơpo\ng ngoh Triệu Đình Thi xuân ối a thôn 7, pak^ng pêt prá alâi mê u ối 3 hectar kơxu, 5 sao kơphế, 1 rơpâu xiâm tiu, pêi lo rêm hơnăm lối 400 rơtuh liăn. Vâ châ mơtiah hâi kố, rơpo\ng ngoh Thi xuân hiăng hên hdroh tro lu\p tung cheăng kâ, mê nếo chúa vế túa ki tro, ki tơniăn tung pêi cheăng kâ.

            Tiô ngoh Thi tối, pêt tiu kal mơ’no liăn roê hdrê, hâi khế, rak ngăn [a\ kih thua#t drêng tâp trăng, roê hdrê [a\ rak ngăn troh tiu hiăng xông kân, kuăn pơlê thế ‘nâi kih thua#t nếo, mê chiâng pêi. Apoăng ngoh hlá pêi, hlá hriâm, xua mê, hên xôh xiâm tiu hlâ xua tro tâ pơrea\ng. Klêi kơ’nâi pêi, ngoh hiăng chúa xo túa ki rơkê tơtro, mê cho mơ-eăm, khên tơnôu [a\ ‘nâi ti tăng ple\ng, hriâm tâp, xúa khoa ho\k kih thua#t, mê kô châ tơ-[rê hôm. Ki rơhêng vâ tối, mơhé nôkố yă kơxu tung kơchô dế chu kơdroh ó, laga rơpo\ng xuân ối rak dêi, ôh tá ko tah, xua rêm hâi xuân ối kúa xo chhá, tê châ liăn hên.

            Ngoh Thi tối, túa pêi cheăng ki tơbriât dêi pó, hâi kố pêt loăng plâi ki kố, kơxo ah pêt loăng plâi ki tá kô pro pá ăm tơná pin, ôh tá ‘nâi la lâi nếo tơniăn. Nôkố kơxu chu rơpâ, mê pêi lo liăn ing kơdrum tiu, kơphế, xua mê rơpo\ng xuân ối mơ-eăm rak kơdrum kơxu.

            Tiu jâ Lăng Thị Trương, Kăn hnê ngăn kuăn pơlê pêi chiâk deăng Dak Ndrot tối, cheăm nôkố ai 120 rơpo\ng rơkê pêi chiâk deăng, mơdró kâ xuân ‘nâi ple\ng há, ki hên cho mơngế Nùng, kố cho mơngế ki djâ  troăng ahdrối tung xúa khoa ho\k kih thua#t mơnhông cheăng kâ rơpo\ng, hơ’lêh hdrê pêt châ tơ-[rê. Ôh tá xê to pro kro mơdro\ng ăm to rơpo\ng, mê mâu rơpo\ng kuăn pơlê pêi chiâk kâ, tê mơdró rơkê, ối kum ‘na liăn, hdrê loăng, mơnăn păn xuân môi tiah tơbleăng túa ki rơkê tơtro ăm mâu rơpo\ng ki pá puât ki ê rơtế mơnhông cheăng kâ.

A Sa Ly tơplôu