VOV4.Sêdang - A Hà Nội, Khu xiâm pơkuâ ‘na pêi chiâk deăng – mơnhông mơdêk thôn pơlê ƀă tơdroăng mơnhông mơdêk dêi Khu lâp kong têa UNDP hiăng kĭ mơ-éa Tơdroăng tơkêa bro “Thăm mơdêk ivá kâi trâng dêi pêi chiâk deăng pêi kŭn ƀă tơniăn têa tôh xua kong prâi hơ’lêh kơpong Tây Nguyên ƀă peăng hdroh pá tơdế tơnêi têa’’.

Leh kih tơkêa veăng amê ai tơdroăng veăng mơ’no tơdrêng tung um tơvi dêi khu râ kăn pơkuâ mâu kong pơlê tung kơpong tơdroăng tơkêa bro mê cho: Dak Lak, Dak Nông, Khánh Hòa, Ninh Thuận, Bình Thuận. Tơdroăng tơkêa bro châ pêi pro sap ing kố troh hơnăm 2026, xúa kơxô̆ liăn tŏng kum mơnhông mơdêk ODA ing Khu pơkuâ râng liăn rak krúa lĕm kong prâi ing UNDP.

Tơdroăng tơkêa bro kum tơdroăng pơ’lêh troăng pêi kâ rơpŏng kuăn pơlê, iâ hâi, djâ tơdroăng ki hbrâ pơ’lêh pêi tiô troăng tơniăn bê têa tôh. Tâi tâng kơxô̆ liăn tơdroăng tơkêa bro châ lối 30,2 rơtuh dollars. Tơdroăng tơkêa bro kô djâ pơxúa ăm 222.400 ngế kuăn pơlê (ki rơhêng vâ tối cho vâi kơdrâi ƀă mơngế hdroâng kuăn ngo) a mâu kong pơlê Dak Lak, Dak Nông, Bình Thuận ƀă Ninh Thuận.

A Sa Ly tơplôu ƀă tơbleăng