Kơtôu kloăng mâ vâi hmâ tối cho ki prăng dêi mâ cho môi hdrâ ki rơtăng, hnăng, ki vâ ăm eăng bâ mot tung mâ. Kố cho môi tíu ki apoăng dêi mâ châ ngăn hlo pá gong, mê chiâng tơ’lêi rong êi, pro tơ’lêi ăm mâu vi khuân, virus lơ kơmeăn châ mot tung mâ, pro chiâng êi, tơlêa kơtôu kloăng mâ. Tơdroăng châi hmâ trâm drêng pro mâ tum, châi ‘lo ‘lok, lo têa mâ, xâu kế eăng trâ, mâ ngăn hlo ôh tá châ tơleăng.

A kơvâ pơlât mâ, dêi Hngêi pơkeăng kân kong pơlê Dak Lak, tâi tâng mâu ngế ki tro êi kơtôu kloăng mâ cho xúa tro rong tung pơla pêi cheăng la tơdroăng ki vâ tối hên ngế bú troh a hngêi pơkeăng pơlât drêng mâ hiăng châi ó. {ok thái pơkeăng Hùynh Văn Tạo, Kăn pho\ kơvâ pơlât Mâ, Hngêi pơkeăng kân kong pơlê Dak Lak tối ăm ‘nâi: Ai hên ngế drêng êi tơlêa tung mâ, maluâ ôh tá ‘nâi pơreăng ki klâi, ngế ki mê hiăng tơnăng rôe ôu pik xêh pơkeăng châi mâ vâ pơlât, tơdroăng kố rơ-iô xua tâng mâu túa pơkeăng ki mê ai trếo Corticoit mê khoh tơ’lêi pro mâ chiâng êi, tơlêa kơtôu kloăng mâ.

Môi tiah pôa Nguyễn Văn Tân ối a cheăm Cư\ Mốt tơring Ea H’leo, kong pơlê Dak Lak. Tung môi roh lăm a têa kơx^, pôa Tân tro kơtâk kơneăng mot tung mâ. Drêng tâ châi mâ, môi tiah ai kế mot tung mâ, klêi mê rế châi, pôa Tân hiăng lăm rôe xêh pơkeăng vâ kơto, pôa kơto lối 10 hâi tâ dêi mâ ai rơtốu. Drêng kố, pôa nếo lăm troh a Kơvâ pơlât mâ, Hngêi pơkeăng kân kong pơlê Dak Lak vâ khăm pơlât.

Akố, mâu [ok thái pơkeăng ăm ‘nâi pôa Tân tro êi tơlêa kơtôu kloăng mâ hiăng ó, hiăng hloh kơtôu kloăng mâ, mâ ôh tá xáu hlo, [ok thái pơkeăng thế po tah tâi tâng. ‘Nâi tơdroăng dêi pôa Nguyễn Văn Tân, [ok thái pơkeăng Huỳnh Văn Tạo ăm ‘nâi:

‘’Châi môi tiah mê thế po tah kloăng mâ. Ngế ki kố êi kơtôu kloăng mâ [ă nôkố kơtôu kloăng mâ hiăng rơtốu, gá pro châi lâp tung mâ, mâ ngăn ôh tá xáu hlo xếo mê ngin thế po tah kơtôu kloăng mâ vâ ngế ki châi pôi tá tâ châi. Xua kơtôu kloăng mâ ai xiâm troăng veăn mê drêng êi gá ôh tá xê pro châi to mâ tê, gá ối pro châi lâp tung ko, thăm nếo ngế ki châi ôh tá sôk kâ ôu’’.

Ai ngế ki ê nếo, mê cho jâ H’Noăn {yă, ối a cheăm Dang Kang, tơring Krông Bông, kong pơlê Dak Lak. Drêng tâ châi mâ cho rôh ki pơxiâm vâ êi kơtôu kloăng mâ, oh tá vâ lăm troh a hngêi pơkeăng, mê jâ H’Noăn hiăng pơlât dêi mâ tiô túa chal krâ nah.

Nếo péa pái hâi, jâ tâ dêi oh tá kâi prêi, thăm rế châi ó [ă lo to têa mâ hên tâ nếo, ngăn mâu tơmeăm rế pá xáu hlo mê jâ nếo lăm troh a kơvâ Khăm mâ, Hngêi pơkeăng kân kong pơlê Dak Lak vâ pơlât. Jâ H’Noăn {yă hơ‘muăn tối:

‘’A lăm tôh dêi kơphế tro tơkâng loăng kơphế pâk tung mâ, troh kong xêi tâ châi mâ ó. troh hâi kơ’nâi a lăm pâ têa tôu mâu ngế ki nếo klêi mơhum kuăn ngá vâ kơto tung mâ, la hiăng to lâi hâi xuân tá kâi prêi, mâ rế khêi tâ, châi ó tâ nếo mê a nếo lăm khăm a hngêi pơkeăng kân kong pơlê’’.

Jâ H’Noăn [ă pôa Tân cho péa tung hên ngế tro êi tơlêa kơtôu kloăng mâ xua oh tá vâ tơmâng re\ng pơlât, [ă oh tá hlê ple\ng ‘na mâ mê chiâng châi ó. Tiô [ok thái pơkeăng dêi kơvâ pơlât mâ, hngêi pơkeăng kân kong pơlê Dak Lak, hơnăm 2017 [ă 3 khế apoăng hơnăm 2018, kơvâ pơlât mâ ăm vâ chê 300 ngế ki châi êi tơlêa kơtôu kloăng mâ, tung mê ai pơlât koi a hngêi pơkeăng 200 ngế [ă pơlât dêi a hngêi 100 ngế.

Tâi tâng mâu ki mot pơlât a hngêi pơkeăng cho hiăng châi ó, mâ ngăn rế pá xáu hlo, châi ó tung mâ. Xua mê, tung pơla pơlât thế pơlât ton hâi, tâi liăn há la xuân ối pro chiâng châi ki ê, hên ngế hlối chiâng plôm mâ hlối. Xua mê, mâu [ok thái pơkeăng hnê tối tâng tâ châi tung mâ, ngế ki châi mê pôi tá hmôu pơ rôe xêh pơkeăng kơto a hngêi lơ pơlât tiô chal krâ nah, thế lăm khăm pơlât a hngêi pơkeăng kơvâ pơlât mâ, vâ châ pơlât prêi. Drêng tơnêi, tuih, kơtâk mot tung mâ, pôi tá lu lit dêi mâ, tâng lu lit hên kô pro chiâng tơlêa kơtôu kloăng mâ, mê thế kơnhiê mâ plêk mâ hên rôh tung kơ’lo têa ki krúa vâ tah kế, tuih kơtâk lo ing mâ.

Gương tơplôu [a\ tơbleăng