VOV4.Sêdang - Drêng tơbâ 46 hơnăm Hâi tơleăng lĕm peăng hdroh, pro tơnêi têa tơrŭm chiâng môi, Khu pơkuâ ngăn Đoân droh rơtăm kong pơlê Gia Lai hiăng tơkŭm po tơdroăng ki vêh troh a xiâm ƀă hiăng mơjiâng pro klêi tíu meăn tơbâ rôh ton nah Đoân Droh rơtăm kuăn pơlê kăch măng kong pơlê Gia Lai hơnăm 1962 – 1975 a pơlê Tăng Lăng, cheăm Krong, tơring Kƀang. Klêi kơ’nâi ƀlêi trâng dêi Đồng khởi hơnăm 1960, kong pơlê Gia Lai mơjiâng kơpong tơleăng lĕm, pro tơ’lêi hlâu ăm tơdroăng droh rơtăm mâu phô̆m vâ xông kân mơnhông rơdêi.  

Hiăng mơjiâng Tíu meăn tơbâ roh ton nah Đoân Droh rơtăm kuăn pơlê kăch măng kong pơlê Gia Lai

Apoăng hơnăm 1962, kơ koan khu pơkuâ ngăn Đoân droh rơtăm châ mơjiâng vâ tơkŭm, hnê hriâm droh rơtăm tơrŭm xông tơplâ xâ. To lâi mâu rơxông kăn ƀô̆, đoân viên, droh rơtăm ki hiăng hlâ, pleăng dêi mơheăm chhá, pleăng dêi hơnăm ối nếo a tơnêi ki kố, veăng kum rơtế ƀă tâi tâng khu lêng, tâi tâng kuăn pơlê tơleăng lĕm kong pơlê.

Vâ ai tơ’nôm “Tíu ki xiâm” hnê hriâm khôi hmâ, Khu pơkuâ ngăn Đoân droh rơtăm kuăn pơlê kăch măng kong pơlê Gia Lai a cheăm Kroong. Tíu kố châ meăn a tơnêi lối 2 rơpâu met karê, ƀă tâi tâng kơxô̆ liăn ‘no lối 600 rơtuh liăn.

Gương tơplôu ƀă tơbleăng