Mâu ngế ki ai hmốu a kơkốu mơni kô chiâng châi râ a kơkốu tâng ôh tá re\ng teăm pơlât prêi. Hmốu a kơkốu ối ton tung kơkốu xuân pro tơdjâk troh châi kơkốu.

Gá pro ăm pin tâ drêng hiăng ai hmốu a kơkốu: Pro châi a rơtếo, vâ tối pá vâ châ ‘nâi mâu tơdroăng châi kơkốu, xua ing tơdroăng châi ki ê. Xua mê, drêng tâ châi a rơtếo thế re\ng lăm khăm hlối vâ [ok thái pơkeăng châ ‘nâi tối ăm pin ‘nâi hlối pơlât, tâng nhôm hiăng ai hmốu thế re\ng siêu âm, xup X quang vâ teăm pơlât prêi.

Ki xiâm:

-Xua lo nu\m iâ

-Ki tơku\m dêi pơreăng drêng hlâ, tro mơ’no tah ing troăng têa nu\m lơ mâu kế ki ‘mêi, tung têa nu\m [ă hên ki ê chiâng mâu kế ki khăng tơkâ, kơtô pro mâu trếo mê chiâng tơku\m môi tiah hmốu.

-Xuâ ôu têa iâ, xua kong tô ó, tung châ pá ai têa, lo têa kơxô hên pro chiâng rế tâi mâu têa tung châ, têa nu\m rế iâ.

-Xua ing tơdroăng kâ ôu, xua mâu tơdroăng hơ’lêh tung châ, xua ing ôu pơkeăng [ă hên ki ê pro ki têi dêi trếo calci, uric, oxalat tung têa nu\m thăm tâk rế hên.

Kâ ôu tro tơdroăng [ă mơngế ki ai hmốu a kơkốu:

-Ôu têa hên (kố cho tơdroăng ki kal má môi); Tâng ôu dâng 2-3 lit têa rêm hâi (klâ ôu hên hdrôh tung môi hâi). Ôu têa hên hlối kum ví ai hmốu a kơkốu hnối kum ăm têa mơ’no tah tâi mâu kế ki vâ kơtóu chiâng hmốu ki ku ku\n tâng ai. Thế kâ xêa, pôi tá kâ xăng po, kâ iâ tê hơ’nêh mâm: kâ mâu kơchâi, kế kâ ki iâ po tê, kâ iâ mâu hơ’nêh. Thế kâ ká teăng kâ hơ’nêh. Mâu kơteăm, xi xo\ng kâ iâ krâ kơvâ tê.

-Kâ ôu tro tơdroăng, kâ iâ la kâ rêm hâi mâu kế kâ ki ai  calci (mê cho: ôu têa tôu ro, kâ plâi bơr, phô mai …). Rêm hâi xuân chiâng ôu dâng 3 kơ’lo têa tôu ro ối drêh. La pôi tá ât kâ kế luâ tơdroăng mâu kế kâ ki ai calci, ah lơ pro kơxêng tung châ chiâng ôh tá krá.

-Kơdroh kâ mâu kế kâ ki ai hên oxalat, môi tiah: têa chế, kơphế, chocolate, tơpoăng, alâi kong ê, kơchâi ho\ng hối.

-Thế ôu têa krui ngeăm, têa krui chô, têa krui [o\ng ki nếo klêi krí: mâu kế kâ, têa ôu ing mâu plâi ki mê ai hên citrat kô kum kâi tơplâ mơdât mâu trếo ‘mêi ki vâ chiâng hmốu.

-Ví pôi tá kâ hên mâu kế kâ ai trếo purin ki pro chiâng ai hmốu a kơ kốu, môi tiah măm khăng, hơ’nêh khăng, hơ’nêh pôh lôi ton, mâu têa măm, klêa chu, klêa ro …

-Kâ hên luâ râ mâu têa rơmâ cho ki xiâm pro chiâng ai hmốu a kơ kốu. Xua mê, kế kâ ki ai hên protit [ă trếo piê kô pro tâk tơ’nôm mâu cholesterol tung têa ngeăm, ah mâu kế ki mê tơku\m kơtóu chiâng hmốu. Xua mê, vâ ví mâu kế ki ‘mêi pro chiâng hmốu a kơkốu, kal thế mơgât pôi tá kâ mâu kế kâ ki ai cholesterol môi tiah: Toih, kơteăm kân, kơxêt rêi, kơxêt tâng liêr [ă hên ki ê.

Gương tơplôu [ă tơbleăng