VOV4.Sêdang - Kơxo lơ 15/3, a Hà Nội, pơxiâm po hneăng hôp 54 dêi Vi ƀan pơkuâ Kuô̆k hô̆i. Po tung môi hâi, tơdroăng tơxâng tơmâng cho Vi ƀan pơkuâ cheăng Kuô̆k hô̆i veăng hnê tối ‘na hên tơdroăng hbrâ ăm roh hôp má 11, Kuô̆k hô̆i hneăng 14. 

Hneăng kăn xiâm má 2, hneăng 13 nếo mơgêi kơxo lơ 9/3, Khu xiâm pơkuâ hnê ngăn hiăng tâ phĭu tơbleăng inâi mâu ngế lo tơbriât pro kăn xiâm hnê ngăn tơnêi têa, Ngế pro xiâm hnê ngăn Chin phuh, Kăn xiâm hnê ngăn Kuô̆k hô̆i cho mâu inâi kăn xiâm Tơnêi têa ƀă kơxô̆ phĭu rah xo hên.

Khu xiâm kal kí hiăng tơbleăng pâ Tíu xiâm hdrối khu xiâm kal kí vâ tơbleăng inâi mâu ngế ƀă inâi kơvâ cheăng ki ê vâ Kuô̆k kô̆i seá ngăn, rah xo lơ kĭ tiô pơkâ dêi Luât.

Xuân a rôh hôp 54 kố, Vi ƀan pơkuâ cheăng Kuô̆k hô̆i ăm hnê tối tơbleăng tâi tâng tơdroăng cheăng hneăng má 14 dêi Kuô̆k hô̆i, Vi ƀan pơkuâ cheăng Kuô̆k hô̆i. Tơbleăng mơgêi séa ngăn tơdroăng tơleăng mơnhên tơdroăng kuăn pơlê pâ thế pơtroh ăm rôh hôp má 10, Kuô̆k hô̆i hneăng 14; tơkŭm tâi tâng tơdroăng hnê tối, pâ thế dêi kuăn pơlê ƀă kuăn pơlê pơtroh ăm rôh hôp má 11, Kuô̆k hô̆i hneăng 14.

Gương tơplôu ƀă tơbleăng