VOV4.Xơ Đăng - Vi ƀan hnê ngăn kuăn ngo nếo tơkŭm po ‘’Hneăng hôp tơrŭm mơgêi Kơ koan Vi ƀan kuăn ngo hơnăm 2021’’. Hơnăm nah, Vi ƀan kuăn ngo hiăng hơ’lêh nếo troăng hơlâ hnê mơhno pơkuâ, mơdêk xúa kŏng ngê̆ thong tin, mơdêk ki pơxúa, tơ-ƀrê tơdroăng rak ngăn; tí tăng ‘nâi plĕng tơdroăng, troăng rơhlâ pơkâ ki tô tuăn, ki hlo ai a kơpong hdroâng kuăn ngo ƀă kong ngo, malối tơdroăng pơreăng COVID-19; veăng mơnhông tơdroăng rêh ối dêi hdroâng kuăn ngo ƀă kong ngo, malối tơdroăng COVID-19; veăng pơ’lêh tơdroăng rêh ối mâu hdroâng kuăn ngo, tơniăn cheăng kâ rêh ối, kring tơniăn kal kí ƀă tơniăn rêh ối pơlê pơla a kơpong hdroâng kuăn ngo; chêh klêi hlá mơ-éa tối tơbleăng, hlá mơ-éa pơla hnê pêi tơdroăng tơnêi têa ƀă mơnhông cheăng kâ rêh ối kơpong hdroâng kuăn ngo ƀă kong ngo, pơtroh ăm Chin phuh, Ngế pro xiâm hnê ngăn Chin phuh.

Pôa Hầu A Lềnh , Ngế xiâm, Ngế pơkuâ tối tơbleăng a hneăng hôp

Hơnăm nếo 2022, Vi ƀan Kuăn ngo châ pơcháu hnoăng cheăng pêi mơnhông cheăng kâ rêh ối kơpong hdroâng kuăn ngo ƀă kong ngo tơdroăng cheăng pêi thế hên, kal thế ai môi luât pơkâ tơrŭm krá kak pơla mâu khu xiâm, mâu kong pơlê, troh râ cheăm ƀă thôn pơlê, troh tơrêm rơpŏng kuăn pơlê.

Gương tơplôu ƀă tơbleăng