VOV4.Sêdang - Kơxê lơ 11/3, a tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn Chin phuh, pôa Trần Thanh Mẫn, Kăn xiâm hnê ngăn Vi ƀan xiâm Măt trâ̆n Tơnêi têa Việt Nam rơtế pơkuâ Hneăng hôp mơnhên tơdroăng pêi pro Pơkâ tơrŭm cheăng pơla Chin phuh ƀă Măt trâ̆n Tơnêi têa Việt Nam hơnăm 2020 ƀă hnoăng cheăng xiâm hơnăm 2021.

Pôa Nguyễn Xuân Phúc xông tơpui a hneăng hôp

Xông tơpui a Hneăng hôp, Ngế pro xiâm hnê ngăn tơnêi têa pơkâ thế peá kơ koan pêi pro tơtro tơdroăng tơpui kâ ƀă kong têa ê, mơhnhôk tơrŭm môi tuăn pơla mâu hdroâng kuăn ngo, loi tĭng tiô khôp, mơngế Việt Nam a kong têa ê. Mơnhông hnoăng mơngế ki kuăn pơlê loi tơngah tung vâi krâ hdroâng kuăn ngo, mâu ngế ki pơkuâ tung tơdroăng tiô khôp.
Péa kơ koan kal tơrŭm tung pêi pro mâu tơdroăng tơ’noăng po rơdâ pêi pro Pơkâ Hneăng hôp Đảng lâp tơnêi têa roh má XIII. Tơrŭm vâ mơnhông kuăn pơlê pơkuâ dêi hnoăng cheăng, ki málối kuăn pơlê pơkuâ dêi hnoăng cheăng a tíu cheăng, ‘nâi tơdroăng pói vâ dêi kuăn pơlê; mơjiâng Đảng, Tơnêi têa krúa lĕm, ó rơdêi, hbrâ mơdât kâ kơhveăm liăn ngân, mơ’nhê tơmeăm khoăng tê kơtê.

A Sa Ly tơplôu ƀă tơbleăng