VOV4.Sêdang - Kơxo lơ 16/3/2021, a tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pơkuâ hneăng hôp mơ’no tơdrêng tung um tơvi lâp tơnêi têa mơgêi 5 hơnăm pêi cheăng dêi Khu pêi cheăng dêi Ngế pro xiâm hnê ngăn Chin phuh. Ƀă tơdroăng pơkâ mơjiâng Chin phuh pêi cheăng lĕm tro, ‘nâi hriăn plĕng ki nếo, kum kuăn pơlê ƀă khu mơdró, Ngế pro xiâm hnê ngăn tơnêi têa ai hriăn plĕng tơdroăng mơjiâng Khu pêi cheăng dêi Ngế pro xiâm hnê ngăn tơnêi têa a khế 8/2016 ƀă Khu kô hiăng veăng ‘no hnoăng pêi pro tiô troăng hơlâ pêi cheăng dêi Chin phuh.

Khĕn kơdeăn khu pêi cheăng hiăng pêi tro hnoăng cheăng dêi Ngế pro xiâm hnê ngăn tơnêi têa pơcháu, Ngế pro xiâm hnê ngăn tơnêi têa tối tiah kố, khu pêi cheăng hiăng mơhno ki kal, veăng pê klêi tơdroăng cheăng tung hnê mơhno pơkuâ dêi Chin phuh, Ngế pro xiâm hnê ngăn Chin phuh tung hneăng ki kố.

Laga, Ngế pro xiâm hnê ngăn tơnêi têa thế mâu khu xiâm, kơvâ cheăng, mâu kong pơlê, pôi tá tơngôu, pôi tá rĕng hâk tơngăm ƀă tơdroăng ki hiăng pêi tơ-ƀrê, thế pơtối hnê mơhno, mơdêk tơbleăng tơdroăng cheăng châ pơxúa. Mâu kăn thế hnê tối tơleăng mơnhên klêi chĕ ki chêh tung hlá mơ-eá pơkâ, pơcháu mâu tơdroăng ki lĕm tro má môi ăm hneăng pêi cheăng dêi Chin phuh ki nếo.

Gương tơplôu ƀă tơbleăng