VOV4.Sêdang - Kơxo hâi lơ 4/6, a Hà Nội, pôa Lê Văn Thành, Ngế pro xiâm phŏ hnê ngăn Chin phuh – Kăn pơkuâ hnê mơhno Tơnêi têa ‘na hbrâ ví kong prâi hơ’lêh pơkuâ hneăng hôp mơ’no tơdrêng tung um tơvi lâp tơnêi têa ‘na tơdroăng hbrâ ví kong prâi hơ’lêh ƀă ti tăng tŏng xo mơngế hliăng tiâ hơnăm 2021 a tíu mơ’no tơdrêng Tíu pêi cheăng Chin phuh.

Hneăng hôp tơkŭm mơnhên tŭm têk tơdroăng hbrâ ví kong prâi hơ’lêh hơnăm 2020, ing mâu tơdroăng châ tơƀrê, mâu tơdroăng ki u ối, mơhriâm túa ki rơkê tơtro ing tơdroăng hnê mơhno, pơkuâ hneăng hôp hiăng pơkâ hnoăng cheăng xiâm ƀă tơdroăng pêi cheăng hbrâ ví kong prâi pro ôh tá tơniăn hơnăm 2021.

Pơtối mê, pêi pro kơtăng mâu troăng ki tơdâng tơ’mô ing hbrâ ví troh hbrâ mơdât ƀă rơnêu tơmeăm khoăng ki tơ’nhê vâ kơdroh tro lŭp ‘na mơngế ƀă kế tơmeăm khoăng tiô hiâm mơno, mơjiâng pơlê pơla tơniăn ahdrối kong prâi ôh tá tơniăn.

Hơnăm 2020, kong prâi a tơnêi têa pin cho ôh tá tơniăn. Lâp tơnêi têa hiăng mơnhên 16 tung tâi tâng 22 tơdroăng kong prâi pro ôh tá tơniăn. Kong prâi pro ôh tá tơniăn hiăng pro 357 ngế hlâ ƀă hía ƀă tâi tâng tro lŭp ‘na cheăng kâ vâ chê 40 rơpâu rơtal liăn.

A Sa Ly tơplôu ƀă tơbleăng