VOV4.Sêdang - Hneăng hôp ‘na kal kí rah xo mơngế to pro kăn roh má peá xua Khu râ kăn hnê ngăn Vi ƀan xiâm Măt trâ̆n tơnêi têa Việt Nam tơkŭm po kơxo lơ 18/3 hiăng tơbleăng inâi 205 ngế dêi mâu kơ koan xiâm tơnêi têa tơbriât to pro kăn teăng mâ hneăng má 15. Tơdroăng tơbleăng mơngế tơbriât kăn teăng mâ Kuô̆k hô̆i hneăng má 15 tơkŭm po tung pơla sap 24/2 troh lơ 14/3 kố nah.

Ƀă pêi kơcheăng kơtăng, kuăn pơlê pơkuâ dêi hnoăng cheăng, mâu kơ koan, khu tơrŭm cheăng, tíu cheăng a Tơnêi têa hiăng tơkŭm po tro, tŭm mâu troăng tơbleăng mơngế tơbriât to pro kăn Kuô̆k hô̆i hneăng má 15. Ai 205 tung tâi tâng 205 ngế châ tơbleăng tơbriât to pro kăn teăng mâ Kuô̆k hô̆i hneăng má 15 pơrá ai tâi tâng kuăn pơlê loi tơngah tơbleăng.

Ing inâi 205 ngế dêi mâu kơ koan, khu tơrŭm cheăng, tíu cheăng a Tơnêi têa châ tơbleăng inâi mâu kăn tơbriât ti pro kăn teăng mâ Kuô̆k hô̆i hneăng má 15, kăn teăng mâ ki veăng a Hneăng hôp hiăng ai tơpui tối tơdrăng, ôh tá ai tơdjâk ki klâi vâ mơnhên ‘na pơkâ rah xo kăn teăng mâ Kuô̆k hô̆i.

A Hneăng hôp ‘na kal kí – tê mơdró, 100% mâu kăn tung Khu hnê mơhno Vi ƀan xiâm Măt trâ̆n Tơnêi têa Việt Nam ai mâ têk kŏng môi tuăn, tơbleăng inâi apoăng 205 ngế dêi mâu kơ koan xiâm tơnêi têa tơbriât to pro kăn teăng mâ Kuô̆k hô̆i hneăng má 15.

A Sa Ly tơplôu ƀă tơbleăng