VOV4.Sêdang - Hâi lơ 2/4, Khu kăn Đảng ƀô̆ kong pơlê Kon Tum hneăng 16 tơkŭm po hneăng Hôp roh má 3. A hneăng hôp, mâu kăn tơkŭm tơpui tơno, ăm veăng hnê tối  ƀă tơdroăng tơbleăng ki chêh tung hlá mơ-eá tối tơdroăng cheăng kâ -rêh ối, ‘na cheăng lêng, kring tơniăn, ‘na mơjiâng Đảng ƀă ‘na tơdroăng kal kí tung pái khế apoăng hơnăm 2021. Tơpui mơgêi a hneăng hôp, Kăn hnê ngăn Đảng kong pơlê khê̆n kơdeăng khât mâu tơdroăng pêi hlo tơ-ƀrê tung pái khế apoăng hơnăm kố. Ƀă hnoăng cheăng pêi tung pái khế pơtối, kăn hnê ngăn Đảng kong pơlê thế pêi ahdrối , tơkŭm hên cho ‘na tăng mâu khu ‘no liăn cheăng, thế hnê mơhno đi đo, tăng troăng tah ki xahpá tơvâ tơvân, tăng troăng pro tơ’lêi hlâu  ăm mâu khu ‘no liăn cheăng rĕng châ tơbleăng pêi tơdroăng vâ mơjiâng pro. Khu kăn Đảng kong pơlê thế khu kăn Đảng Vi ƀan kong pơlê mơ-eăm hnoăng cheăng pơkuâ, hnê mơhno đi đo, tăng troăng tah ki xơpá tơvâ tơvân, pro tơ’lêi ăm mâu khu ‘no liăn cheăng rĕng tối tơbleăng. Khu kăn Đảng kong pơlê thế mâu kăn Đảng Vi ƀan kong pơlê mơ-eăm tung pơkuâ hnê mơhno mâu tơring, pơlê kong kơdrâm, mâu tíu pêi cheăng mơhnhôk tăng mơngế, pêi cheăng kơtăng khât vâ pêi tro tiô mâu pơkâ cheăng kâ-rêh ối pơlê pơlâ hơnăm 2021.

Gương tơplôu ƀă tơbleăng