VOV4.Sêdang - A hneăng hôp tơpui  tơno rôh má 3, 100% ngế kăn ai mâ môi tuăn chêh inâi 205 ngế dêi kơ koan, khu tơrŭm cheăng, tíu pêi cheăng a râ xiâm tơnêi têa ki ai tŭm tiô pơkâ vâ lo tơbriât pro kăn Kuô̆k hô̆i hneăng 15. Hneăng hôp xua Vi ƀan xiâm  Măt trâ̆n tơnêi têa Việt Nam tơkŭm po a kơxo lơ 15/4, a Hà Nội.

Klêi mơgêi hneăng hôp roh má péa, tiô kơxô̆ ki chêh dêi Hô̆i đong tâ phĭu tơnêi têa, tâi tâng kơxô̆ mơngế châ chêh inâi la hâi teăm tŭm tá râ xiâm ƀă kong pơlê ai 1 rơpâu 93 ngế. Tung mê, râ xiâm tơnêi têa ai 205 ngế, kong pơlê ai 888 ngế ai 75 ngế lo tơbriât bro kăn. Tiah mê, kơxô̆ 2, ai 19 ngế ki lo tơbriât kô ai 1 ngế kăn Kuô̆k hô̆i châ rah xo.

A hneăng hôp, mâu kăn ngăn a mâu tơdroăng pơkâ thế rah xo kăn Kuô̆k hô̆i, ăm hlo tơmâng tơdroăng hnê tối dêi kuăn pơlê a tíu ki ối ƀă mâu ngế lo tơbriât vâ tối nhên, mâu tơdroăng pâ thế. Mâu kăn tối thế mơnhên tơbleăng inâi mâu ngế vâ lo tơbriât pro kăn Kuô̆k hô̆i ki pơkuâ hneăng 15, tơpui a hneăng hôp , pôa Đỗ Văn Chiến, Kăn hnê ngăn Đảng , Kăn hnê ngăn Vi ƀan xiâm Măt trâ̆n tơnêi têa Việt Nam  tối nhên: Hneăng hôp rôh má pái cho môi tơdroăng ki kal dêi hneăng tâ phĭu, kô cho hneăng hôp má mơ’nui, vâ chêh inâi mâu ngế ai tŭm tiô pơkâ pơtroh ăm Hô̆i đong tâ phĭu Tơnêi têa vâ pêi pro tơdroăng ki pơtối.

Gương tơplôu ƀă tơbleăng