VOV4.Sêdang - Kơxo lơ 27/5, Vi ƀan pơkuâ cheăng Kuô̆k hô̆i hneăng 14 kô tơkŭm hôp tiah hmâ 56. Tơdroăng ki kal má môi a hneăng hôp mê, cho Hô̆i đong tâ phĭu rah xo kăn dêi tơnêi têa tơbleăng tơdroăng tâ phĭu rah xo kăn Kuô̆k hô̆i hneăng 15 ƀă kăn hnê ngăn Hô̆i đong kuăn pơlê rêm râ hneăng 2021-2026. Tung pơla pơreăng kân COVID-19, hneăng tâ phĭu rah xo kăn Kuô̆k hô̆i hneăng 15 ƀă kăn hnê ngăn Hô̆i đong rêm râ hneăng 2021-2026 hiăng po klêi tơniăn ƀă kơxô̆ kuăn pơlê veăng tâ phĭu hên.

Lối 66 rơtuh ngế kuăn pơlê tung lâp tơnêi têa veăng tâ phĭu, châ lối 95%, tung mê ai vâ chê 32 rơpâu tôh tâ phĭu ai 100% ngế kuăn pơlê veăng lăm tâ phĭu. Xuân a hneăng hôp mê, mâu kăn veăng hnê tối a tơdroăng tơbleăng tối ‘na liăn ngân tơnêi têa hơnăm 2019; Tơbleăng ‘na liăn ngân tơnêi têa hơnăm 2019 ƀă veăng hnê tối tơbleăng dêi Chin phuh ‘na tơdroăng cheăng kơdĭng liăn, mơ’nhiê liăn tê kơtê hơnăm 2020. 

Gương tơplôu ƀă tơbleăng