VOV4.Sêang - Sap apoăng khế 7 troh nôkố, kơbong ki pơlât mơngế tro tâ tú pơrea\ng, hngêi pơkeăng kân kong pơlê Daklak đi đo ai kơdrâm mơngế xua hên ngế tro tâ pơrea\ng tơngê lo mơheăm. Tơdroăng kố, pro kơbong trâm hên pá puât tung khăm pơlât:

            Sap apoăng hơnăm troh nôkố, kơbong hiăng pơlât ăm lối 1 rơpâu ngế tro tâ pơrea\ng tơngê lo mơheăm. Sap apoăng khế 7 ngiâ kố, tung môi hâi kơbong tơdah pơlât nếo 40 ngế tro tâ pơrea\ng, tâk 5 xôh tâng pơchông [a\ roh kố hơnăm 2015. Pak^ng 30 xoăng ăm mơngế tamo châi koi môi to xoăng péa ngế, kơbong hiăng xúa tơ’nôm 40 xoăng dêi kơbong ăm ối klâ, ăm mâu ngế ki tro tâ pơrea\ng ki rơ-iô, laga xuân tá hâi tu\m tíu mơngế tamo châi vâ koi pơtê. Hên hâng lông ‘măn xoăng ki hdôu, vâ ăm mâu ngế tamo châi koi pơlât. {ok thái pơkeăng Nguyễn Hai, Kăn pơkuâ kơbong pơlât mơngế ki tro tâ tú pơrea\ng tối ăm ‘nâi:

            ‘’Ki pá má môi cho ôh tá bê tu\m kế tơmeăm khoăng, ôh tá ai xoăng ăm mâu ngế tamo châi koi pơtê drêng mot pơlât, mê mâu ngế tamo châi xuân râng dêi xoăng ki bro tơ’lêi râng djâ, ki chiâng hdôu. Ki pá má péa, mơngế tro tâ pơrea\ng tâk hên môi tiah kố, mê mâu thái pơkeăng ôh tá teăm pơtroh tu\m vâ pơlât mâu ngế tamo châi’’.

            Kơbong pơlât mơngế tâ tú pơrea\ng ai tâi tâng 6 ngế [ok thái pơkeăng, laga nôkố bu ai 4 ngế pêi cheăng pơlât. Drêng ai tơdroăng kố, kơbong hiăng pơkâ Khu pơkuâ hngêi pơkeăng [a\ Khu pơkuâ ngăn pơkeăng [a\ khăm pơlât pơtroh mâu [ok thái pơkeăng a kơbong ki ê veăng to\ng kum cheăng, laga ôh tá tu\m mơngế pêi cheăng cho tơdroăng ki tơchuâm dêi kơvâ ngăn pơkeăng [a\ khăm pơlât, xua mê xuân pá tung tơdroăng kố.

            {ok thái pơkeăng Doãn, Kăn pơkuâ ngăn ‘na pơkeăng [a\ khăm pơlât kong pơlê Daklak tối ăm ‘nâi:Vâ pro tiô pơkâ thâ tơdrêng tung tơdroăng hbrâ mơdât pơrea\ng tơngê lo mơheăm, Khu pơkuâ ngăn pơkeăng [a\ khăm pơlât xuân hiăng hnê mơhno mâu tíu cheăng, drêng ai pơrea\ng tơngê lo mơheăm xông tâ tú, vâ pơtroh mâu ngế pêi cheăng a mâu kơbong ki ê ăm tơtro, bro tiah lâi tu\m thái pơkeăng pơlât mơngế tơngê lo mơheăm tối phá xêh [a\ tơdroăng khăm pơlât tối tơchuâm. Tâng hngêi pơkeăng ôh tá chiâng vâ tơleăng tơdroăng kố, mê kô tơbleăng ăm Khu pơkuâ ngăn pơkeăng [a\ khăm pơlât pơtroh mâu [ok thái pơkeăng dêi khu kố pơkuâ, vâ re\ng pêi pro tơdroăng kal ahdrối.

            {ok thái pơkeăng Nguyễn Hai, kăn pơkuâ kơbong pơlât mâu ngế tâ tú pơrea\ng tối ăm ‘nâi tơ’nôm, ahdrối hngêi pơkeăng kô xúa mâu kơbong cheăng vâ ‘măn xoăng koi, ăm mâu ngế tamo châi koi pơlât, kơdroh tơdroăng ăm koi péa pái ngế môi to xoăng môi tiah nôkố.

            Tiô tơbleăng dêi Tíu xiâm ngăn pơkeăng [a\ khăm pơlât kong pơlê Daklak tối, sap apoăng hơnăm troh nôkố, lâp kong pơlê hiăng châ hlo lối 2 rơpâu ngế tro tơngê lo mơheăm, tâk 11 xôh tâng pơchông [a\ roh kố hơnăm 2015, tung mê ai 1 ngế hlâ. Kố cho pơrea\ng ki rơ-iô [a\ xông tâ tú re\ng a rơnó mêi. Tâng hlo dêi châ môi tiah tơngê tô ó, tơngê tô pơtối 2 troh 7 hâi, hlối châi ko, châi hveăn, lo mơheăm a cheâng hơne\ng, lăm pơyâng eâk prăng rơmon, tơngê lo mơheăm hlo lo a drô kéa [a\ hía hé, mê troh tơdrêng a hngêi pơkeăng vâ châ khăm pơlât teăm tơdrêng.

Gương prế Sa Ly tơplôu [ă tơbleăng