Klêi kơ’nâi mơ’no liăn mơjiâng hngêi kân rơdâ [a\ ai hên kơbong pơlât tro tiô pơkâ, khu [ok thái pơkeăng, thái pơkeăng [a\ mâu ngế cheăng tung hngêi pơkeăng cheăm Hòa Đông, tơring Krông Pa], kong pơlê Daklak hiăng đi đo mơ-eăm vâ thăm rơkê tung khăm pơlât, tro tiô pơkâ ‘na khăm pơlât, tơdroăng khăm pơlât apoăng ăm kuăn pơlê. Y sih Nguyễn Thị Lý, thái pơkeăng hngêi pơkeăng cheăm Hòa Đông tối ăm ‘nâi, hngêi pơkeăng cheăm đi đo pêi cheăng plâ hâi plâ măng, hbrâ tơnáu drêng ai mơngế troh khăm pơlât. Xua mê, vâi krâ nho\ng o loi tơngah, troh khăm pơlât a hngêi pơkeăng cheăm, rak ngăn mâu ngế tamo châi troh khăm pơlât, nôkố hiăng phá tơ-ê tâ hdrối nah, ôh tá ai xếo mâu ngế tamo châi troh khăm pơlât a cheăm hdrối:

‘’Á xuân tơmiât hbrâ tơnáu ki lâi á chiâng á hnê ăm mâu ngế ki ê, ‘nâi nhên túa pêi ki rơkê mê, pêi khăm pơlât, vâ mơnhên pơrea\ng ăm tơtro tâ, pro ăm mâu ngế ki tamo châi loi tơngah tâ, mê kô lăm troh a á hên tâ vâ khăm pơlât’’.

Châ mâu [ok thái pơkeăng, thái pơkeăng rak ngăn, khăm pơlât krâu tơtro rêm roh khăm pơlât, jâ Võ Thị Kim Oanh, ối a thôn 15, cheăm Hòa Đông xuân vâ môi tuăn [a\ tơdroăng khăm pơlât hngêi pơkeăng cheăm. Laga, tiô pói vâ dêi jâ Oanh xuân môi tiah hên ngế vâi krâ a cheăm, kal mơ’no liăn hên tâ mê nếo roê kơmăi kơmok, pơkeăng:

‘’Kế tơmeăm khăm pơlât xuân hiăng tơtro tâ hdrối nah, tơdroăng rak ngăn xuân tơtro, laga pơkeăng xuân tá hâi tu\m. Á pói vâ Đảng [a\ tơnêi têa mơ’no liăn roê kơmăi kơmok, pơkeăng tu\m têk, vâ kuăn pơlê tơ’lêi prôk lăm, kơdroh mơdoh hên chôu, ivá, liăn ngân’’.

Rơtế [a\ tơdroăng thăm rak ngăn ivá, khăm pơlât apoăng ăm kuăn pơlê a hngêi pơkeăng cheăm, cheăm Hòa Đông tơtro\ng rah xo mâu thái pơkeăng pêi cheăng a râ thôn pơlê, thăm pơtâng tối tung tơdroăng hbrâ mơdât pơrea\ng xông tâ tú [a\ hơ-ou kế kâ. {ok thái pơkeăng Y Nam K[uôr, Thái pơkeăng pơkuâ hngêi pơkeăng cheăm Hòa Đông tối ăm ‘nâi:

‘’Khu [ok thái pơkeăng a thôn, rêm thôn ai 1 [ok thái pơkeăng pêi cheăng troh tá ah, khu thái pơkeăng kố kum tâi ivá tơná ăm hngêi pơkeăng, pơtih tơdroăng séa ngăn pơrea\ng xông tâ tú kơnôm ai mâu [ok thái pơkeăng kố. Troh rêm rơpo\ng hngêi vâ pơtâng tối, vâ kuăn pơlê mơgrúa kong prâi, hbrâ mơdât kiâ ngu nge\ng cho tơdroăng ki tơtro’’.

Tiô pôa Nguyễn Đình Vượng, Kăn pơkuâ Đảng ủy, Kăn hnê ngăn Vi [an cheăm Hòa Đông, hngêi pơkeăng cheăm péa hơnăm châ mơnhên tơtro tiô pơkâ nếo hneăng hơnăm 2012 – 2020, laga ối rak cho hngêi pơkeăng tơtro tiô pơkâ cho môi tơdroăng pơloăng mơnúa ki khu kăn pơkuâ [a\ kơvâ cheăng cheăm thế mơ-eăm hên tâ mê nếo:

‘’Hiăng ai hngêi pơkeăng thế tơdah pơlât kuăn pơlê, kum kuăn pơlê tá hiâm mơno, kăn [o# thái pơkeăng thế axoa\ng dêi pó pêi cheăng, ôh tá ăm ai tơdroăng kuăn pơlê troh hngêi pơkeăng cheăm, mê hngêi pơkeăng kl^ng péa. Drêng kuăn pơlê troh mê thế tơpui sôk ro [a\ kuăn pơlê. Ki nhên, pin thế tơmâng rak ngăn khăm pơlât ăm kuăn pơlê, tơdah khăm pơlât kuăn pơlê ki châi tamo. Ki nhên pin thế tơmâng, mơjiâng mâu thái pơkeăng rơkê tung hngêi pơkeăng cheăm. Ki mơ-eăm, ôh tá xê pin mơjiâng hngêi pơkeăng cheăm, lơ mơjiâng tơtro tiô pơkâ. Ki thế mơ-eăm pin thế mơjiâng hngêi pơkeăng cheăm tro tiô pơkâ, kăn [o# rơkê tơtro, tơdah kuăn pơlê thế hlế há, kuăn pơlê kô phiu’’.

Dak Lak mơ-eăm po rơdâ mơjiâng hngêi pơkeăng cheăm tơtro tiô pơkâ

Pêi pro tiô pơkâ dêi tơnêi têa ‘na hngêi pơkeăng cheăm pơla hơnăm 2011-2020, rơtế [ă tơdroăng pơkâ tơnêi têa ‘na mơjiâng thôn pơlê nếo, mâu khu râ Đảng, mâu kăn, mâu kơvâ cheăng kong pơlê Daklak hiăng mơ-eăm hnê mơhno [ă pro hơ’lêh nhên. Troh nôkố, lâp tung kong pơlê ai 96 to cheăm, bêng, pơlê kân châ mơnhên tối pêi pro tiô pơkâ dêi tơnêi têa ‘na hngêi pơkeăng cheăm pơla mâu hơnăm vâ troh hơnăm 2010, tung pơla mê, kơxo# ki kố tâng riên lâp tơnêi têa châ 64%. Ngế chêh hlá tơbeăng ‘na tơdroăng kố hiăng tơpui tơno [ă [ok thái pơkeăng Doãn Hữu Long, Kăn ngăn ‘na pơkeăng [ă pơlât kong pơlê Daklak ‘na tơdroăng kố.

Êng: Ô [ok thái pơkeăg, tơdroăng mơjiâng hngêi pơkeăng cheăm vâ châ tối pêi tơ-[rê pơkâ dêi tơnêi têa ‘na hngêi pơkeăng cheăm pơla hơnăm 2012-2020, rơtế [ă tơdroăng pơkâ dêi tơnêi têa ‘na mơjiâng thôn pơlê rêh ối tiô troăng nếo, troh nôkố Daklak hiăng pêi châ tơ-[rê tơdroăng ki  lâi?

{ok thái pơkeăng Doãn Hữu Long: Pêi pro tiô tơdroăng pơkâ dêi tơnêi têa ‘na hngêi pơkeăng cheăm pơla hơnăm 2012-2020, kơvâ ngăn pơkeăng kong pơlê Daklak hiăng tí tăng ‘nâi ple\ng ăm mâu kăn [ă pơlê kong kơdrâm vâ pêi pro hnê mơhno tơdroăng mâu kăn pơlê kong kơdrâm, mâu tơring cheăm, [ă tơkéa vâ tối troh nôkố, Daklak hiăng châ 96% cheăm, bêng, pơlê kân pro tiô pơkâ dêi tơnêi têa ‘na ngăn pơkeăng, tung pơla mê tâng riên lâp tơnêi têa cho 64%. Má 2 ai tiô pơkâ 15 dêi tơdroăng mơjiâng thôn pơlê nếo mê kơvâ ngăn pơkeăng kong pơlê Daklak hiăng châ 140/152 to cheăm, châ troh lối 92%, tung pơla mê, tâng riân dêi tơdroăng pơkâ tung lâp kong pơlê dâng 63%, tối tơchuâm, kơvâ ngăn pơkeăng hiăng pêi hluâ kơlo tung tơdroăng ‘mâi mơjiâng pro hngêi pơkeăng vâ tơniăn tung khăm pơlât ivá kuăn pơlê. La xuân ối rak ki tơ-[rê xuân cho 1 tơdroăng ki pơloăng mơnúa kân xua rêm hơnăm kơvâ ngăn pơkeăng tí tăng ‘nâi ple\ng ăm ho#i đông vâ séa ngăn nếo mâu cheăm ki tối châ tơ-[rê, [ă rak ki tơ-[rê lơ ôh, tâng tung pơla hơnăm ki lâi ‘lo pin pêi hiăng châ tơ-[rê há, la ôh tá rak ki tơ-[rê kô tro xo tơvêh [ă hên tơdroăng ki ê.

Êng: Hluâ 5 hơnăm pêi pro, ki khât gá a cheăm bêng ăm hlo ối ai mâu tơdroăng ki xơpá klâi tung tơdroăng pêi pro tiô pơkâ ?

{ok thái pơkeăng Doãn Hữu Long: Vâ pêi pro tiô mâu tơdroăng pơkâ mê kal thế khu râ kăn, tá mâu kuăn pơlê veăng pêi tung tơdroăng rak ngăn ivá kuăn pơlê. Tung mê, kơvâ ngăn ‘na pơkeăng cho ki xiâm tung tơdroăng pêi pro tiô tơdroăng cheăng, tí tăng ‘nâi ple\ng ăm mâu kăn Đảng pêi pro tiô troăng hơlâ pơkâ tơdâng. Tung pơla pêi mâu tơmeăm khoăng, kế tơmeăm xuân môi tiah mâu ngế [ă ki tơ-[rê dêi tơdroăng cheăng xuân ai ki tơdroăng xơpá, xua kong pơlê pin ai 47 hdroâng nho\ng o, hên khôi túa, vêa vong, xua mê tơdroăng hnê tối ăm kuăn pơlê, ‘nâi hlê, tơmâng khăm pơlât ivá ăm kuăn pơlê, ai mâu tơdroăng ki xơpá kân. Pak^ng ‘na rak ngăn, khăm pơlât ivá kuăn pơlê a cheăm bêng, pơlê kân, tâng tơdroăng cheăng pêi ôh tá tro, ôh tá tơdâng, tơdrêng [ă kơxo# mơngế rôe baoh hiêm khăm pơlât, ôh tá tơ-[rê kô ôh tá châ tối pêi cheăng tro tiô pơkâ dêi râ tơnêi têa.

Êng: ‘Na tơdroăng cheăng, hngêi pơkeăng râ cheăm ối hên tơdroăng ki xơpá, tơvâ tơvân [ă kong pơlê hiăng ai troăng hơlâ pơkâ tiah lâi vâ mơdêk tơ-[rê tơdroăng cheăng khăm pơlât a râ cheăm kố?

{ok thái pơkeăng Doãn Hữu Long: Ki tơ-[rê dêi kăn [o# ngăn pơkeăng cheăm, tâng vâ pơchông ngăn tơchuâm, xuân ai ki oh tá rơhéa, tơvâ tơvân gá. La pơkâ tơdroăng cheăng vâi cho hbrâ mơdât pơreăng [ă pêi pro mâu tơdroăng pơkâ ‘na khăm pơlât dêi tơnêi têa cho ki xiâm, [ă pơkâ tơdroăng rak ngăn khăm pơlât rôh apoăng ‘na tơdroăng châi ki hmâ tro, tâng vâ tối ‘na khăm pơlât Daklak xuân hiăng pêi pro tơ-[rê mâu tơdroăng ki hiăng pơkâ, ôh tá chiâng vâ pơchông ngăn ki hriâm lâm kân lơ ôh dêi mâu ki cheăng ngăn pơkeăng râ cheăm [ă mâu [ok thái pơkeăng ki hriâm troh lâm kân, hriâm trâu tâ a mâu hngêi pơkeăng râ kơpêng, tối tơdroăng ki pơhông ngăn thế pơtih ngăn vâi ai tơdroăng cheăng ki vâi pêi mê vâ pơchông ngăn. ‘Na tơdroăng cheăng rak ngăn khăm pơlât ivá kuăn pơlê, kong pơlê Daklak xuân cho 1 tung mâu tơdroăng kong pơlê ki apoăng tung lâp tơnêi têa ai tâi tâng mâu hngêi pơkeăng a cheăm bêng, pơlê kân xuân ai [ok thái pơkeăng. Tơkéa vâ tối ki tro dêi [ok thái pơkeăng cheăm thế klêi hriâm lo ing hngêi trung, rôh apoăng ôh tá tơ’mô [ă râ kơpêng, la xua hnoăng cheăng pêi vâi cho hbrâ mơdât pơreăng [ă pêi pro mâu tơdroăng pơkâ, xua mê, pêi ai tiô tơdroăng púi vâ. La vâ mơdêk tâ nếo kơvâ ngăn pơkeăng khăm pơlât kong pơlê Daklak hiăng pêi pro mâu tơdroăng, po mâu lâm hnê hriâm ton hnăm, lâm hriâm iâ hơnăm, to lâi khế, to lâi hâi tê ngăn tiô kơ hnoăng cheăng vâi. Pak^ng mê, tí tăng ‘nâi ple\ng ăm Vi [an hnê ngăn kuăn pơlê, ho#i đông hnê ngăn kuăn pơlê pêi mâu tơdroăng pơkâ vâ ’mot mâu [ok thái pơkeăng troh lăm pêi cheăng a hngêi pơkeăng cheăm.

Êng: Tơdroăng pơkâ [ă mâu troăng hơlâ pê klêi ‘na mơjiâng pro hngêi pơkeăng cheăm vâ châ tối tro tiô pơkâ tơnêi têa pơla hơnăm 2012-2020 dêi kong pơlê?

{ok thái pơkeăng Doãn Hữu Long: Tung la ngiâ ai 1% to cheăm bêng, pơlê kân hâi châ tối tơtro tiô khu xiâm ngăn pơkeăng khăm pơlât pơkâ, mơ-eăm sap ing nôkố troh hơnăm 2020 mê kô ai 100% to cheăm, bêng, pơlê kân châ pêi pro tiô râ tơnêi têa pơkâ ‘na ngăn pơkeăng khăm pơlât, kơvâ ngăn ‘na pơkeăng hiăng tí tăng ‘nâi ple\ng ăm mâu khu râ kăn hnê mơhno ‘na tơdroăng rak ngăn ivá kuăn pơlê tung cheăm bêng hâi ai tiô pơkâ. Pơtối mê, cho kơxo# ki rôe baoh hiêm khăm pơlât xuân hâi ai tiô pơkâ hdrối, xua mê, tơdjâk troh ki pơkâ thế tơ-[rê dêi tơdroăng pơkâ dêi tơnêi têa dêi cheăm bêng, thăm nếo xua ki rơkê ple\ng ‘na tơdroăng cheăng pêi dêi [ok thái pơkeăng râ cheăm bêng hâi rơkê, hâi tơ-[rê, kal thế mơ-eăm tâ tung la ngiâ mâu troăng hơlâ hnê tối ‘na rak ngăn khăm pơlât ivá kuăn pơlê xuân môi tiah ki hlê ple\ng ‘na rak ngăn ivá tơná [ă kuăn pơlê. Pak^ng mê, kơvâ ngăn ‘na pơkeăng thế mơdêk ki rơkê ‘na tơdroăng cheăng [ă hriâm tơ’nôm tơdroăng cheăng vâ rơkê tro tiô pơkâ tung tơdroăng khăm pơlât ivá kuăn pơlê tung la ngiâ.

Êng: Hôm, mơnê kơ [ok thái pơkeăng hiăng hnê tối ‘na tơdroăng kố.

Gương prế Sa Ly tơplôu [ă tơbleăng