VOV4.Sêdang - Hngêi pơkeăng Kuân y 175 - Khu xiâm pơkuâ ngăn lêng nếo tơbleăng ăm xúa kơmăi khăm ngăn PCR ki chiâng kơtâu xêh alninity M dêi Khu pro kơmăi Abbot vâ xúa tung khăm ngăn, pơlât COVID-19, vâ rĕng chôu hâi khăm ngăn ki vâ ‘nâi pơreăng SARS -CoV-2 tâng vâ pơchông ƀă khu kơmăi hdrối nah. Kố cho kơmăi ki nếo nôkố, chiâng vâ khăm ngăn PCR, ƀă ivá  pêi cheăng ăm ‘nâi 300 tơdroăng tung pơla 8 chôu. Ing mê, hâi chôu ăm ‘nâi klêi khăm tung pơla 2-3 chôu ƀă rêm xôh 16 phut kô ăm ‘nâi.

Kơmăi khăm ngăn PCR ki chiâng kơtâu xêh kơmăi nếo nôkố

Tiah mê, tung pơla vâ ăm ‘nâi tơdroăng khăm cho tung pơla 2-3 chôu ƀă rêm rôh ai 16 phut kô ‘nâi pơtối. Tiah mê, hâi chôu tơkôm khăm ngăn PCR SARS -CoV-2 bú ton dâng 2 chôu, rĕng tâ châ tơdế chôu tâng vâ pơchông ƀă hdrối nah. Malối, kơmăi khăm ngăn PCR ki chiâng kơtâu xêh Alninity M châ mơjiâng môi tơdroăng ki pêi pro ahdrối ƀă túa, pơlât tơdrêng châ pêi pro a la lâi xuân hôm la ôh tá kal tơkôm ton ah lơ pro tơdjâk troh tơdroăng  kơmăi dế kơtâu.

Gương tơplôu ƀă tơbleăng