VOV4.Sêdang -  Hơnăm 2021, Hngêi trung Đại học Tây nguyên kô rah xo 3.340 ngế hệ đại học chính quy, ƀă 35 kơvâ cheăng dêi 8 khoa hnê, cho hngêi trung ki rah xo hên ngế mot hriâm ƀă hnê hên tơdroăng cheăng mâ môi tung kơpong. Tung mê, mâu kơvâ cheăng ai kơxô̆ rah xo hên, mê cho: Y Khoa, Ngôn ngữ Anh, Thú y, Kinh tế, Quản trị kinh doanh, Kế toán, Giáo dục thể chất.

Tuá rah xo hơnăm 2021 châ séa ngăn tiô 4 tơdroăng: Seá ngăn điêm tơ’noăng mơgêi hriâm râ má pái hơnăm 2021; seá ngăn điêm tơ’noăng ƀă ngăn ivá hriâm tung hơnăm 2021 dêi Đại học Quốc gia Pơlê kong kân Hồ Chí Minh; Seá ngăn điêm học bạ, séa ngăn klêi mê xo ăm mot hriâm tiô pơkâ rah xo hok tro mot hriâm hơnăm 2021.

Phŏ yăo sư - Tiê̆n sih Võ Phương Đại Nguyên, Ngế pơkuâ Ƀơrô ngăn Hnê hriâm Đại học dêi hngêi trung Đại học Tây Nguyên ăm ‘nâi: Tơdroăng hnê hriâm hơnăm 2021 dêi hngêi trung kô tơniăn vâ sinh viên châ hriâm mâu tơdroăng ki nếo, ai tiô tơdroăng púi vâ dêi khu rah xo mơngế mot hriâm drêng hiăng klêi hriâm lo ing hngêi trung ah.

Gương tơplôu ƀă tơbleăng