VOV4.Sêdang - Leh tơbâ 110 hơnăm hâi Pôa Hồ lăm tăng troăng tŏng kum tơnêi têa lơ 05/6 ƀă 80 hơnăm hâi Pôa vêh tơnêi têa pơkuâ kăch măng Việt Nam (lơ 28/01), kơxo lơ 26/5 a Hà Nôị, Học viện chính trị Quốc gia Hồ Chí Minh tơrŭm ƀă Khu hnê mơhno cheăng xiâm tơnêi têa, khu pơkuâ ngăn Đảng Pơlê kong kân Hồ Chí Minh ƀă khu kăn Đảng kong pơlê Cao Bằng tơkŭm po hôp tơpui khoa hok râ tơnêi têa pơxá “Hồ Chí Minh ƀă tơdroăng púi vâ tơniăn hdroâng mơngế ƀă chuh ngiah xah hô̆i”.

Hồ Chí Minh ƀă tơdroăng pêi pro púi vâ rak tơniăn hdroâng mơngế

Tơpui a hneăng hôp, pôa Nguyễn Xuân Thăng - Ngế pơkuâ Học viện Chính trị Quốc gia Hồ Chí Minh, Kăn hnê ngăn Hô̆i đong tơpui kâ dêi Tíu xiâm tối nhên, tơdroăng púi vâ tơniăn - hơniâp, hnoăng cheăng kăch măng ki pôa Hồ Chí Minh, Kăn xiâm hnê ngăn tơnêi têa hiăng mơjiâng, tơmeăm khoăng tuăn mơno ki Pôa ‘măn ăm vâ pơtối djâ ki pơxúa mơhno troăng ăm tơdroăng ƀlêi dêi kăch măng Việt Nam, tung mê, ai mâu hnoăng ki kân, ki pơxúa ton nah dêi 35 hơnăm hơ’lêh nếo, tơdroăng ki hên rôh pôa Nguyễn Phú Trọng, Kăn xiâm pơkuâ hnê ngăn Đảng hiăng tối, tơnêi têa la lâi xuân ai tơdroăng ki rơdêi, ki kân kĕng ƀă loi nhoam môi tiah hâi kố.

Gương tơplôu ƀă tơbleăng