VOV4.Sêdang - Kơxo lơ 9/4, Hô̆i đong kong pơlê Gia Lai hneăng 11 pơxiâm po rôh hôp má 19, mơgêi tơdroăng cheăng hneăng hơnăm 2016-2021. Tung 5 hơnăm hdrối, Hô̆i đong kong pơlê Gia Lai hneăng 11 hiăng mơ-eăm ƀă pê châ tơƀrê mâu tơdroăng ki kal, ai 15/18 tơdroăng pơkâ pêi châ ƀă tơkâ luâ tơdroăng pơcháu. Tung mê cheăng kâ - rêh ối dêi kong pơlê tung mâu hơnăm pơtối mơnhông tơ-brê, ki tâk ‘na cheăng kâ pơlâ mâu hneăng châ 7,55%, tơdroăng cheăng kâ pơtối hơ’leh tro tiô troăng; ‘na rêh ối châ tơniăn.

Hneăng hôp tơpui tơno

Rôh hôp kố, Hô̆i đong kong pơlê Gia Lai tơkŭm tối tâi tâng mâu tơdroăng ki hiăng châ pêi tơ-ƀrê, tối mâu tơdroăng ki pá tơvâ tơvân ƀă tối nhên ki xiâm, ƀai hriâm, mâu tơdroăng ki kal tơmâng hơ’leh nếo vâ mơdêk ki tơ-ƀrê dêi tơdroăng cheăng dêi Hô̆i đong kong pơlê, mâu Hô̆i đong hnê ngăn, Vi ƀan hnê ngăn kong pơlê, mâu kơ koan cheăng ‘na luât tung hneăng 2021-2026.

Gương tơplôu [ă tơbleăng