VOV4.Sedang - Kuăn pơlê cho ngế ki a tíu ê troh, rêh ối a kong pơlê klâ krê mê châ tâ phĭu pôk kăn Kuô̆k hô̆i ƀă Hô̆i đong hnê ngăn kuăn pơlê rêm râ a tíu ki mê. Kố cho 1 tung mâu tơdroăng ki hnê mơhno nếo dêi Ƀơrô cheăng Hô̆i đong tâ phĭu Tơnêi têa hâi lơ 20/5, pơtroh Vi ƀan tâ phĭu a mâu kong pơlê, pơkê kong kân ối tung tơnêi têa ‘na tơdroăng séa ngăn, mơnhên hnoăng tâ phĭu dêi kuăn pơlê dế pêi pro klâ ối krê hbrâ mơdât pơreăng COVID-19.

Tơdroăng ki mơnhên hnoăng tâ phĭu dêi kuăn pơlê dế pêi pro klâ ối krê khăm pơlât a mâu tíu klâ ối krê tơchoâm châ pêi pro tiô pơkâ dêi Luât Tâ phĭu pôk kăn Kuô̆k hô̆i ƀă kăn Hô̆i đong hnê ngăn kuăn pơlê ƀă mâu troăng hnê mơhno dêi Hô̆i đong tâ phĭu tơnêi têa tối a hlá mơ-éa kơxô̆ 234 hnê tơdroăng ki chêh inâi kuăn pơlê ƀă túa pơkâ pêi pro tâ phĭu ƀă mâu ngế ki dế klâ ối krê hbrâ mơdât pơreăng COVID-19 ƀă a mâu kong pơlê ki ai pơreăng.

Ƀă kuăn pơlê dế klâ ối krê a kong pơlê mê kuăn pơlê klâ ối krê pơlê pơla lơ hbrâ mơdât tiô tơdroăng pơkâ kơxô̆ 16 dêi Ngế pro xiâm hnê ngăn Chin phuh ki tá hâi ai inâi tung hlá mơ-éa kuăn pơlê dêi kơpong tâ phĭu a kong pơlê mê pơkâ thế Tôh tâ phĭu séa ngăn, chêh inâi mâu kuăn pơlê kố ƀă pơtroh ăm Vi ƀan hnê ngăn râ cheăm vâ ‘mot tơ’nôm tung inâi kuăn pơlê a kơpong tâ phĭu nếo tíu ki ai kong pơlê klâ krê.

Nga tơplôu ƀă tơbleăng