VOV4.Sêdang - Hâi lơ 25/3, Khu pơkuâ cheăng Đảng kong pơlê Dak Lak tơkŭm po Hneăng hôp mơgêi tơdroăng pêi cheăng Tơkŭm po mơjiâng Đảng hơnăm 2020, po rơdâ pêi pro hnoăng cheăng hơnăm 2021. Tiô mơnhên a hneăng hôp, hơnăm 2020, khu râ kăn cheăng Đảng mâu râ kong pơlê Dak Lak hiăng thăm tơbleăng tơkŭm po châ tơƀrê hneăng hôp Đảng mâu râ kum tung tơdroăng châ tơƀrê dêi Hneăng hôp Đảng ƀô̆ kong pơlê roh má XVII.

Hên khu râ Đảng, khu pơkuâ cheăng Đảng ai troăng pêi rơkê kum djâ hneăng hôp tung tơdroăng rêh ối. Tơdroăng mơjiâng rah xo tơtro khu râ kăn cheăng, pêi cheăng châ tơƀrê hlối kơdroh ƀiên chê̆, mơdêk ki rơkê tung pêi cheăng ƀă rah xo tơtro mâu kăn ƀô̆, kŏng chưk.

Hơnăm 2020, kong pơlê Dak Lak hiăng pêi pro kơdroh 66 kŏng chưk ƀă lối 1100 ƀiên chê̆ viên chưk. Tiô tối hdrối tung hơnăm kố, kong pơlê Dak Lak pơtối kơdroh 60 kŏng chưk ƀă lối 1.100 ƀiên chê̆ viên chưk, tiô kơxô̆ 10% ki Pơkâ 39/2015 dêi Khu xiâm kal kí ƀă Pơkâ ‘na kơdroh mơngế pêi cheăng ƀă rah tơtro khu kăn ƀô̆, kŏng chưk, viên chưk dêi Khu pơkuâ cheăng Đảng kong pơlê Dak Lak pơkâ mơ’no.

A Sa Ly tơplôu ƀă tơbleăng