Tiô tơbleăng tối dêi Khu xiâm pơkuâ hnê hriâm [a\ hnê mơjiâng tuăn ngôa rơkê, Khu xiâm hiăng châ tơ-[rê hên tung tơdroăng mơdêk ki rơkê hnê hriâm dêi thái cô [a\ kăn [o# pơkuâ hnê hriâm, tung mê, ai tơdroăng pơkâ pơcháu tơ’nôm cheăng ton hơnăm ăm mâu thái cô a 17 kong pơlê [a\ 5 kong pơlê Tây Nguyên. Mâu kong pơlê môi tiah pơlê kong kân Hà Nội [a\ kong pơlê Quảng Ngãi hiăng pêi pro tro tơdroăng séa ngăn thái cô [a\ tơdroăng ki lối hên, ôh tá tu\m, k^ tơkêa thái cô a mâu hngêi trung mâm non, phôh thong.

Laga, tơdroăng hok tro hriâm lối hên, ôh tá tu\m thái cô. Hên kong pơlê ôh tá tu\m thái cô tiô pơkâ môi tiah Điện Biên, Lào Cai, Hà Giang, Tuyên Quang, Quảng Trị, Kon Tum, An Giang, Hậu Giang, Cà Mau… Maluâ mâu kong pơlê hiăng thế xing xoăng tíu hnê, pro tơ’mot chiâng môi hngêi trung lâm rế kơdroh thái cô laga xuân tơniăn kơxo# thái cô a mâu râ hriâm tiô pơkâ laga xuân tá hâi tơleăng tâi tơdroăng kố.

Pôa Nguyễn Thanh Bình, Kăn hnê ngăn Vi [an kong pơlê An Giang tối:

‘’Khu kăn hnê ngăn Đảng, Vi [an kong pơlê môi tuăn ăm phêp kơvâ hnê hriâm – hnê mơjiâng tơdroăng tơkêa bro krê [a\ tơdroăng tơkêa bro krê kố tiô troăng: má môi, rak tơniăn ‘na k^ tơkêa  thái cô a mâu lâm [a\ má péa, xing xoăng hngêi trung lâm pro tiah lâi vâ mơ-eăm mâu hngêi trung ki achê dêi pó mê tơku\m pro chiâng môi, ví pro tơku\m lối hên pro chiâng pá tung prôk lăm hriâm tâp.

Tơdroăng pêi pro pơkâ thế tơniăn [a\ kal má môi cho ki rơkê hnê hriâm [a\ má péa, cho ôh tá pro pá ăm hok tro xua hriâm hơngế hngêi mê mâu vâi o hok tro thế pơtê hriâm tơdế rá’’.

Tơbleăng dêi Khu xiâm pơkuâ hnê hriâm [a\ hnê mơjiâng xuân tối nhên, mâu kong pơlê pêi pro tơdroăng kơdroh k^ tơkêa [a\ kơvâ hnê hriâm kơtăng, tá hâi pêi pro [a\ túa mơnhông mơdêk pơ’leăng mâ mơngế (rêm hơnăm kơdroh tiô pơkâ vâ troh hơnăm 2021 kơdroh 10%), xua mê, ôh tá ai [ie#n che# vâ rah xo nếo, chiâng pro ôh tá tu\m thái cô, ki má lối cho cô hnê râ mâm non.

Pôa Nguyễn Mạnh Hiển, Kăn pơkuâ hnê ngăn cheăng Đảng kong pơlê Hải Dương tối ăm ‘nâi, [a\ mâu pơlê kong kân, mâu kong pơlê ai kơxo# kuăn pơlê xe\n ối hên xua ai hên kơpong hngêi kơmăi kơmok, kơpong mơjiâng pro kế tơmeăm khoăng rơlối, ôh tá tu\m thái cô cho tơdroăng ki pá vâ châ to\ng kum:

‘’Nôkố pêi pro pơkâ tiô Tơnêi têa mê Hải Dương xuân thế kơdroh, laga nôkố xuân thế tơniăn tiô hnê mơhno dêi Ngế pro xiâm hnê ngăn tơnêi têa mê cho alâi ai hok tro mê amê thế ai lâm hriâm [a\ alâi ai lâm hriâm mê thế ai thái cô. Môi tiah tơdroăng hngêi trung tơnêi têa ‘no liăn mê kơdroh laga thái cô xuân pơtối tâk. Pơkâ thế Khu xiâm, Khu xiâm pơkuâ kăn [o# hriăn ple\ng troăng hơlâ ki tơtro ăm mâu kong pơlê ki ai hên kơpong hngêi kơmăi kơmok ki kuăn pơlê xe\n ối hên’’.

Hên mâu kăn tối, pơkâ xiâm dêi tơdroăng xing xoăng thái cô cho vâ rah mâu thái cô ki rơkê, ai hiâm mơno le\m vâ mơdêk tung hnê hriâm. Xua mê, maluâ ôh tá tu\m thái cô laga mâu kong pơlê xuân kal ai tơdroăng rah xo, kal ai tơdroăng ki mơnhên, tâng thái cô ôh tá tơniăn châ tiô pơkâ mê thế xing xoăng rah xo thái cô tơtro.

Pôa Nguyễn Văn Minh, Thái pơkuâ hngêi trung Đăi hok sư phăm Hà Nội tối, Khu xiâm pơkuâ hnê hriâm [a\ hnê mơjiâng thế xêo nhên kơxo# thái cô ki rơlố [a\ ôh tá tu\m dêi rêm môn, râ hriâm vâ pơlê pơla ai troăng ngăn tơtro tâ:

‘’Tơdroăng rơlối [a\ ôh tá tu\m thái cô dế hlo ai hên, ôh tá tu\m [a\ rơlối cho a lâp lu. Pin hiăng xêo ngăn nhên. Ai mâu môn dế ôh tá tu\m thái cô mê cho môn Ăng-glê, tin hok lơ kong nge#, laga mâu môn ki ‘nâi rơlối. Á pơkâ thế Khu xiâm tơbleăng ăm pơlê pơla ‘nâi [a\ ki rơhêng vâ tối tâng tơbleăng kố ai hok tro rơkê nếo hlo tung la ngiâ kô ai cheăng pêi. Tâng bu tối rơlối ga tá hâi teăm tu\m mê ôh tá mơhno nhên ôh tá tu\m drăng lâi mê tơdroăng hlê ple\ng dêi pơlê pơla cho pá puât’’.

Nôkố kuăn pơlê dế xe\n ối a mâu pơlê kong kân, mâu kong pơlê ai hên kơpong hngêi kơmăi, kơpong mơjiâng pro kế tơmeăm khoăng xua mê, mâu kơpong kố đi đo pá ‘na kế tơmeăm khoăng hngêi trung lâm, thái cô tơdrêng amê a hên kơpong thôn pơlê mê kơxo# hok tro pơtối kơdroh. Tơdroăng ai khât kố pro ăm tơdroăng ki tơleăng ‘na rơlối [a\ ôh tá tu\m thái cô thăm rế pá a hên kong pơlê.

Minh Phương chêh

A Sa Ly tơplôu [a\ tơbleăng