VOV4.Sêdang - Mơdêk séa ngăn ƀă ngăn kơtăng mơngế ki mot tung tơnêi têa, kơdroh tâ tú pơreăng COVID-19 mot a tơnêi têa pin. Mê cho 1 tung mâu tơdroăng cheăng pêi tơdrêng a hneăng hôp kơ xo lơ 14/4 ki Khu hnê mơhno tơnêi têa pơkâ thế mâu kơvâ cheăng ƀă mâu kong pơlê, pơlê kong kân pêi pro.  Pôa Vũ Đức Đam, Ngế pro xiâm phŏ hnê ngăn tơnêi têa, ngế hnê mơhno cheăng tơnêi têa ‘na hbrâ mơdât COVID-19 pơkuâ hneăng hôp.

Ngế pơkuâ hnê mơhno tơnêi têa tối, COVID-19 dế tâ tú rơ-iô a hên kong têa tung kơpong môi tiah kong têa Kul, Siam, Malaysia... tơdjâk tơdrêng troh tơdroăng hbrâ mơdât pơreăng dêi tơnêi têa pin. Pơla kố kal mơhnhôk tăng ivá hbrâ ví xua la ngiâ cho leh kân lơ 30/4, ƀă lơ 1/5, kuăn pơlê vâ prôk lăm gá hên. Tiô thươ̆ng tươ̆ng Nguyễn Văn Sơn, Ngế xiâm phŏ kŏng an, kal thế ngăn kơtăng mơdât mâu ngế ki mot tung tơnêi têa, rơtế ƀă hnoăng cheăng dêi Vi ƀan mâu kong pơlê, pơlê kong kân, malối cho mâu ngế ki châ mâu khu mơdró ăm liăn. Pôa Vũ Đức Đam tối nhên, pơtối pơkâ pơxâu kơtăng ƀă mâu ngế ki mot oh tá tro luât.

Gương tơplôu ƀă tơbleăng