VOV4.Sêdang - Kơxê lơ 2/3, a rôh hôp tơbleăng Chin phuh tiah hmâ khế 2 xua pôa Mai Tiến Dũng, kăn xiâm pơkuâ {ơrô Chin phuh pơkuâ, hên tơdroăng môi tiah tơdroăng ki pâk vaccine COVID-19, troăng ki pơkâ tơleăng ‘na kế tơmeăm pêi lo ing chiâk deăng ôh tá châ tê a mâu kơpong ki ai pơreăng lơ kơxo# liăn to\ng kum ăm mâu ngế ki tro tơdjâk xua pơreăng COVID-19 cho mâu tơdroăng ki châ mâu ngế cheăng tung Chin phuh tơku\m tối tơbleăng.

Tiâ rơkong kơ-êng ‘na rôh hôp Kuo#k ho#i hneăng má 14 po a khế 3 la ngiâ kố ah ai mâu kăn xiâm pơkuâ xiâm môi tiah liăn ngân a hneăng hdrối, pôa Mai Tiến Dũng ăm ‘nâi: Rôh hôp má 11 Kuo#k ho#i hneăng má 14 tiô tối hdrối kô po sap ing hâi lơ 24/3 troh lơ 7/4. Tung tơdroăng ki tơku\m po kố ai tơdroăng ki veăng dêi mâu kăn pơkuâ Tơnêi têa. Khu xiâm pơkuâ tơdroăng kal kí hiăng pơcháu ăm khu pơkuâ ngăn Đảng Chin phuh mơjiâng túa pơkâ tơbleăng mâu ngế cheăng ai tu\m tơdroăng, túa pơkâ va rak tơniăn inâi kăn pơkuâ Chin phuh, kăn pơkuâ khu xiâm, kơvâ cheăng, kơ koan.

Katarina Nga tơplôu [ă tơbleăng