VOV4.Sêdang - Drêng troh leh tơbâ 50 hơnăm Plâ ƀlêi trâng Đường 9 - Peăng hdroh kong têa Lếo hơnăm 1971, kơxo lơ 19/3, khu xiâm pơkuâ ngăn lêng  pơkuâ hneăng hôp, tơrŭm ƀă Khu kăn Đảng kong pơlê Quảng Trị tơkŭm po hneăng hôp tơpui ‘na Khoa hok ƀă pơxá: Plâ ƀlêi trâng Đường 9 - Peăng hdroh kong têa Lếo 1971 -  Ki pơxúa tơdroăng ton nah ƀă nôkố’’.

Lối 80 hlá tơbeăng, tơdroăng chêh tối tơbleăng a Hneăng hôp drêng kố tối tâi tâng, trâu rơdâ mâu tơdroăng cheăng, bâi hriâm ton nah ki pơxúa tơpui hên ƀă pêi pro ‘na hnoăng pơkuâ hnê mơhno dêi Tiú xiâm Đảng, Khu xiâm Kal kí, Khu Đảng lêng xiâm ƀă Khu xiâm pơkuâ ngăn lêng hiăng Plâ ƀlêi trâng Đường 9 - Peăng hdroh kong têa Lếo 1971.

Xông tơpui a hneăng hôp, Thươ̆ng tươ̆ng Nguyễn Tân Cương, Ngế cheăng tung khu Đảng lêng xiâm tơnêi têa, Ngế xiâm phŏ pơkuâ ngăn lêng tối nhên: Tơdroăng ăm hlo hneăng hôp tơpui tơno veăng pêi tơ-ƀrê ki pơxúa tung tơdroăng cheăng xúa kơmăi kơmok - tiô tuá nếo dêi tơnêi têa, mơjiâng ƀă kring vế tơnêi têa Việt Nam xah hô̆i chuh ngiah tung tơdroăng nếo nôkố.

Gương tơplôu ƀă tơbleăng